Толковый словарь казахского языка: БАЛА

Слово: Казахский язык Русский язык Английский язык Найти

| БАЛА #зат есім. 1. Атаананың перзентi, ұрпақ; тұқым. 2. Нәресте, сәби, бөбек. 3. Жанжануарлардың күшігi, құстардың балапаны. 4. #ауыспалы мағына. Ер жетіп ысылмаған; жас, балғын. Бала асырады. Бала бақты, бала тәрбиеледi, өсірдi. Бала асырап алу. әлеу. #құқықтық. Өзінің бел баласы бола алмаған атааналардың немесе жалғыз басты әйелдің басқа біреудің не туысқанының баласын бауырына салып, өз баласы етіп өсіруi. Бала болмайды. Еш нәрсе шықпайды, түк шықпайды, өнбейдi. Бала бүркіт. Жас қыран, балапан бүркіт. Бала біткен. Барлық бала атаулы. Бала біттi. Құрсақ көтердi, екіқабат болды. Балаға ұқсады. Жас баланың қылығын істеді. Баладан садаға болды. Баладан айырылды, баласы қайтыс болды. Бала емес. Ересек, ақыл тоқтатқан, тежірибелі. Бала жастан. Бала кезінен, кішкентайынан. Бала жолдасы. #медициналық. <лат. plасenta> Ұрықты ана ағзасымен байланыстыратын, ана қанынан қоректік зат пен оттегін алып, зат алмасу нәтижесінде пайда болған заттар мен көмір қышқыл газды қанға шығаратын әйел жатырындағы орган. Бала жігіт. Жас жігіт, жеткіншек, бозбала. Бала зарын тартты. Балаға зар болды, баласы болмады, баладан айырылды. Бала кез. Балалық шақ, балалық дәурен. Бала киік. Жас киік. Бала көкірек. Албырт, нанғыш, жас адамның бала көңілі. Бала көрдi. а ) Сәбилi болды, нәресте көрдi. ә ) Баласынды, жас санады. Бала көрмеді. Баласы болмады, нәресте сүймеді. Бала көтергіш. Баланы жиі табатын (әйел). Бала көтердi. Құрсақ көтердi, жүктi болды. Бала күнi. Кiшкентай кез, балалық дәурен. Бала күту. Бала бағу, өсіру, қарау. Бала қаз. Кiшкентай қаз. Бала қораз. Кiшкентай қораз. Бала құрақ. Жаңа шыққан жас шөп. Бала құшақтады. кәс. Жүгерi собық салды. Бала қыран. Кiшкентай қыран. Балалар ауруханасы. Науқас балаларды жатқызып емдейтін мекеме. Балалар ауруы. #медициналық. Көбінде балаларда кездесетін ұлпа шешек, қызылша, көкжөтел сияқты аурулардың тобы. Балалар әдебиетi. Балаларға арналып жазылған немесе балалардың ойлау, түсіну қабілетіне, талғамына әсер етіп, олардың жас ерекшеліктеріне сәйкес жасалған әдеби шығармалар. Балалар бақшасы. Балабақша. Балалар бөлмесi. а ) Пәтерлер мен үйдегi балаларға арналған бөлме. ә ) сов. Милиция бөлімшесінің жанындағы балаларға арналған кабинет, бөлме. Балалар дәрігерi. #медициналық. <грек. pаіs (pаіdоs) – бала, iаtreіa – емдеу> Жаңа туған нәрестеден бастап, кәмелетке дей-iнгi аралықтағы балаларды қарайтын, емдейтін мамандәрігер. Балаларды қорғау. Балаларды әлеуметтік экономикалық және құқықтық қорғаудың халықаралық және отандық жүйелерi. Балалар киносы. Балалар мен жас өспірімдерге арналған көркем, мультипликациялық, хроникалықдеректi және ғылыми-көпшілік фильмдерінің жалпы атауы. Балалар коммунасы. #тарихи. советизм. Кеңес үкіметінің алғашқыжылдарында панасыз балаларды тәрбиелеу мақсатымен құрылған мекеме. Балалар кітапханасы. Балалар мен жасөспірімдерге, оқи алатын мектепке дейінгi балаларға қызмет көрсететін кітапхана. Балалар қылмысы. Балалар мен жасөспірімдердің қоғамға қауіптi әрекетi. Балалар музыкасы. Балалардың орындауына және тыңдауына арналған музыка. Балалар стоматологиясы. #медициналық. Бала тістері мен ауыздың шырышты қабықтарын емдеуді жетілдіру және алдын алу шараларын қарастыратын сала. Балалар суретi. Бейнелеу өнерінің әртүрлi саласымен шұғылданатын балалар шығармалары. Балалар үйi. Атаанасы жоқ жетім балалар тәрбиеленетін орын. Баламның өлігіне отырайын! #қарғыс сөз. Баламның өлігін күзетейін, аза тұтайын! Бала мінез [ дi ]. Аңқау, адал, ақкөңіл. Бала нар. Кiшкентай нар. Бала нардай. Нардың төлі сияқты. Баланың алымы. #этнографиялық. Тiлi шықпаған сәби үйге алғаш рет келгенде жасалатын ырым. Баланың зарын тартты. Баласы болмады, балаға зар болды. Баланың итауруы. Жас баланың басы үлкейіп, аяғы шидиіп, қарны қампайып ауыратын ауруы; рахит. Баланы төсегімен көтерді. Баланы емшек сүтімен көтерді. Бала өсірді [ қыз өсіріп, ұл ұстады ]. Ата-ана болды, бала сүйіп, ержеткізді, елге сыйлы әке, шеше атанды. Бала психологиясы. #психологиялық. Баланың психикалық дамуының заңдылықтарын зерттейтін психология саласы. Бала сұңқар. Жас сұңқар. Бала сүйдi. Балалы болды, перзенттi болды. Баласы тұрмады. Баласы өле берді. Бала тапты. Сәбилi болды, бала туды. Бала тастады. Түсік тастады, баласы өлi туды. Бала торсық. Кiшкентай торсық. Бала тышты. #этнографиялық. Нәрестенi бесікке саларда жасалатын ырым. Бала тілі. Баланың тілі шыға бастаған екіекі жарым жасынан ана тілінде таза, дұрыс сөйлей бастаған сегізтоғыз жасына дейінгі аралықта қалыптасқан қызық та қылықты тілі. Бала үстінде қайтыс болды [ о дүниеге жөнелдi ]. Босанып жатып қайтыс болды. Бала шақ. Балалық шақ. Бала шәкірт. Жас шәкірт. Бала шетінедi. “Бала қайтыс болды” деген мағынаны білдіретін сөз.
| БАЛА = #етістік. Тең көру, бірдей санау, теңеу.