Толковый словарь казахского языка: ӘСКЕРИ

|ӘСКЕРИ [ #араб тілі. ] #сын есім. #әскери сөз. Әскерге қатысты, соған тән. Әскери авиация. Қарулы күштердің басқа түрлерімен бірге және өз бетімен iсқимылдар жасауға арналған авиациялық бөлім. Әскери автомобиль. Қарулы күштердің тактикалық техникалық және экономикалық талаптары бойынша жасалған, жеке құрамды, әскери жүк тердi, қару-жарақ пен әскери техниканы тасымалдауға арналған көліктер. Әскери академия. Жоғары әскери және арнайы әскери білімi бар офицер мамандарды дайындауға арналған жоғары әскериоқу мекемесi, әскери мәселелердi зерттеуге арналған ғылыми орталық. Әскери ант. Жауынгердің Отанына, халқына, үкіметіне өзінің әскери борышына адалдығын білдіретін салтанатты түрдегi ресми сертi. Әскери артиллерия. Ұйымдық жағынан әскер құрамына (мысалы, мотоатқыштар, танк, әуе десантына ) кіретін артиллерия. Әскери атақ. Қарулы күштер қатарында қызмет етіп жүрген азаматтарға әскери мамандығына, атқаратын қызметіне, сіңірген еңбегіне, әскери және арнаулы дайындығына, қызмет ететін Қарулы күштер түріне қарай берілетін атақ. Әскери атташе. #дипломатиялық. Дипломатиялық корпустың әскери iсіне жауапты адам. Әскери аурухана. <лат. hоspіtаle> Әскери қызметкерлер мен олардың отбасы мүшелеріне арнаулы медициналық көмек көрсетуге және емдеуге арналған әскеримедициналық мекеме. Әскери әлеует. қоғ. #саяси. Елдің экономикалық, ғылыми-техникалық, әлеуметтік, ахлақтықсаяси әлеуеттерінен туындайтын мемлекеттің (коалицияның, одақтың) мүмкіндіктерi, әскери қуаты. Әскери база. Қарулы күштердің контингенттерi, әскери техникасы мен оқдәрінің қажеттi қорлары, жанармай, азық-түлік және басқа материалдық құралдары әскери жағдайға қарай тиімдi ыңғайластырылып, арнайы жабдықталған аудан. Әскери байланыс. Бұйрық, жарлық, хабар, сигналдарды қабылдайтын, байланыс ұйымдастырудың құралдары мен тәсілдерінің жиынтығы. Әскери барлау. Қарсыластың немесе ықтимал қарсыластың Қарулы Күштерi туралы мемлекеттің экономикалық, моральдықсаяси жағдайы туралы мәліметтер алу және зерттеу мақсатында жүргізілетін iсшаралар жиынтығы. Әскери билет. Тұрғылықты жердегi әскери комиссариат тарапынан әскери қызметтен запасқа босап шыққан немесе кезектi шақырудан запасқа өткен әскери міндеттілерге берілетін құжат. Әскери бөлім. Әскери міндеттердi орындататын немесе бейбіт кезде әскерлер құрамын үйретіп, дайындайтын, Қарулы күштердің әрбір түрінде тактикалық жеке тапсырмаларды iске асыратын бөлім. Әскери ғылым. Әскери өнер мен жауынгерлік даярлық мәселелерін зерттейтін ғылымдар жүйесi. Әскери доктрина. Ықтимал соғыстың болу мүмкіндігінің сипаты, мақсаты, маңызы, мәнi, оған елдi, қарулы күштердi дайындау және оны жүргізу тәсілдерi туралы мемлекетте белгілi бір уақытта қабылданған көзқарастар жүйесi. Әскери жағдай. Тәртіп пен мемлекеттік қауіпсіздік шаралары әскерилерге жүктелген жағдай. Әскери жарғы. Әскери құрамалар мен әскери бөлімдердің бір-бірімен өзара iсқимылдарын үйлестіру ретін анықтайтын ережелердің жиынтығы. Әскери жаттығу. Әскери құрамалардың, бөлімшелердің, басқару органдарының және арнаулы әскерлердің жауынгерлік дайындықтарын тексерудің негізгi тәсілi. Әскери желік. #саяси. Соғысқұмарлыққа салынып елірушілік. Әскери киім. Қарулы күште қызмет ететіндердің киімi. Әскери құпия. Мемлекеттік құпия болып саналатын дерек. Әскери қызмет. Азаматтардың қарулы күштер қатарында өз еркімен мемлекеттің жүктеген міндеттерін атқаруы немесе өз еркімен мерзімнен тыс қызмет етуi. Әскери міндет. Қоғамдағы заңдар бойынша мемлекет тарапынан азаматтарына жүктелетін әскери қызмет атқару талаптары. Әскери реформа. Мемлекеттің саяси басқару органдарының шешімімен жүзеге асырылатын елдің қарулы күштерінің құрылымындағы түбегейлi өзгеріс. Әскери сала. Белгілi бір қоғамдық қатынастың әскери мәселемен шұғылданатын бөлігi. Әскери стратегия. Ел мен қарулы күш тердi соғысқа дайындау теориясы мен тәжірибесін, стра тегиялық операциялар мен тұтастай соғысты жоспарлау мен жүргізудi қамтитын әскери өнердің құрама бөлігi, оның ең жоғарғы сатысы. Әскери тәртіп. Барлық әскери қызметкерлердің заң және әскери устав белгілеген тәртіп пен ереженi бұлжытпай дәл сақтауы. Әскери текетірес. Әскери саладағы қақтығыс, қырғиқабақтық. Әскери трибунал. Қарулы күштер жүйесіндегi әділеттіліктi iске асыратын сот. Әскери форма. Әскери қызметтің белгісi және әскери арнамыстың символы ретіндегi киім үлгілерi. Әскери шен. Әскери атақ. Әскери шеру. <лат. pаro> Үлкен мерекелермен мемлекеттік және әскери маңызды оқиғалар құрметіне өткізілетін салтанатты әскери байқау. Әскери ынтымақтастық. #саяси. Ұлттық заңдар мен халықаралық міндеттемелердi тең құқықты және өзара тиімдi мүдделер негізінде жүзеге асыратын әскери-саяси, әскери-техникалық және әскериэкономикалық салалардағы үйлестірілген шаралар жиынтығы.

© 2021. Wonder Words
Институт интеллектуальных технологий