Толковый словарь казахского языка: ҰЛТАРАЛЫҚ

Слово: Казахский язык Русский язык Английский язык Найти

|ҰЛТАРАЛЫҚ #сын есім. кітабистиль. Ұлттар арасындағы, ұлт пен ұлт арасындағы. Ұлтаралық банктер. #экономикалық. а) Шетелдік активтері бар және халықаралық операцияларды жүзеге асыратын бірқатар ірі елдердің ірі банк институттары. ә) Түрлі елдерде, түрлі аяларда, түрлі валюталармен операциялар жасайтын әмбебеп тұрпаттығы халықаралық қаржы-несие кешені. Ұлтаралық келісім. #саяси. Қазақстан тәуелсіздігін алған соң елдегі титулдық ұлт – қазақтардың басқа ұлттармен татулығы негізінде жаппай қоғамға тән сипат алып, мемлекет саясатында басшылыққа алынған ұлттар арасындағы жақын, жылы қарым-қатынас. Ұлтаралық компаниялар. #экономикалық. Қызметін өзі тіркелген елден сырт жерде жүзеге асыратын фирмалар [ Негізінен қызмет бір не бірнеше шетелдің аумағындағы тәуелді немесе бақыланбалы заңды тұлғалардың ұйымы арқылы жүзеге асырылады. Ел аумағында шетелдік инвесторлардың қатысуымен құрылған барлық заңды тұлғалар, біріккен кәсіпорындар дейтіндер ұлтаралық фирмалар болып табылады ]. Ұлтаралық корпорациялар. #экономикалық. Шетелден тікелей инвестицияланатын БҰҰ-ның анықтамасы бойынша жылдық айналымы 100 млн доллардан асатын және кем дегенде алты елде бөлімшелері бар мекемелер. Ұлтаралық қақтығыс. #саяси. Түрлі ұлттардың, этникалық топтардың арасында тәуелсіздікке, саяси билікке ұмтылуға, жер дауына, діни, этникалық кемсітушілікке, т.б. себептерге байланысты туатын шиеленіс. Ұлтаралық қаржыөнеркәсіптік топтары. #саяси. Қатысушылары арасында Тәуелсіз Мемлекеттер Достастығына мүше елдердің құзыретіндегі, аталмыш мемлекеттердің аумағында оішауланған бөлімшелері бар, не олардың аумағында күрделі жұмсалымды жүзеге асыратын заңды тұлғалардан құралатын қаржыөнеркәсіптік топтар. Ұлтаралық [ этносаралық ] қатынас. қоғ. -саяс. Көп ұлтты, көпэтникалы қоғамда өмір сүріп жатқан ұлттар мен этностардың өзара қатысу мәдениеті. Ұлтаралық монополия. #экономикалық. Капиталы бойынша ұлттық және қызмет аясы бойынша халықаралық ірі өнеркәсіптік бірлестік. Ұлтаралық тіл. #саяси. Көпэтникалық мемлекеттерде халықтардың өзара қарымқатынастарын қамтамасыз ететін сөйлеу құралы.