Толковый словарь казахского языка: ҰЛТ

Слово: Казахский язык Русский язык Английский язык Найти

|ҰЛТ #зат есім. 1. қоғ. -саяси. Тіл, территория, экономикалық өмір тұтастығы негізінде және психологиялық мінезқұлықтың ортақтығы негізінде қалыптасқан адамдардың тарихи әлеуметтік, этникалық тұтастығы, адамдардың тарихи қалыптасқан әлеуметтікэтностық қауымының жоғарғы түрі. 2. Ел, жұрт, ұлыс, бір елдің халқы. 3. Этнос, бір тілде сөйлейтін, тарихи жады ортақ, әрбір мүшесі өзін тілдік, мәдени, ділдік, діндік жағынан ортақ санамен бірегейлендіретін тарихи, мәдени, рухани қауым. // Ұлтқа тән, ұлттық. Ұлт аспаптар оркестрі. #музыкалық. құрамы әр ұлттың өзіне тән музыкалық аспаптарынан тұратын, музыканттар тобы. Ұлт мәселесі. қоғ. -саяси. Ұлттардың, этникалық топтардың, халықтардың арасындағы саяси, экономикалық, аумақтық, құқықтық, идеологиялық және мәдени қатынастардың жиынтығы. Ұлт мектебі. Белгілі бір ұлтқа қызмет ететін түлек тәрбиелейтін мектеп. Ұлт меншігіне айналдыру. #саяси. -экон. <франц. nаtіоnаlіsаtіоn> Жеке кәсіпорындардың, жердің, банктердің, көліктің, басқа да құралдардың мемлекет меншігіне өтуі. Ұлт меншігіне айналдырылған тауар. #саяси. #экономикалық. Кеден бақылауынан өткен және осы елдің экономикалық аумағында еркін сату үшін рұқсат етілген импорттық тауар. Ұлт [ ұлттық ] намысы. Бүтіндей бір ұлттың адамгершілік, ар-ождан, ділі тұрғысынан жоғары бағаланатын, өз бетбейнесін, бірегейлігін сақтап қалу жолындағы күресінен көрініс табатын жалпы ұлттық сананың көрінісі ретіндегі этностың ең нәзік, ең жоғары сезімі. Ұлт саясаты. Көпэтникалық мемлекеттің өз аумағындағы ұлттар, ұлыстар мен халықтарға қатысты саясаты. Ұлттар ұйымы. #тарихи. Бірнеше мемлекеттерден құралған халықаралық ұйым. Ұлттың рухани өмірі. мәд. Өмір сүруінің экономикалық және жаратылыстықтарихи негіздерін бейнелейтін ұлттық (этностық) қоғамдастықтың тіршілік қарекеті мен өзін-өзі көрсетуінің ерекше нысаны. Ұлт шаруашылығы. #саяси. -экон. Белгілі бір аумақтық шекараларда тарихи тұрғыда қалыптасқан қоғамдық ұдайы өндіріс жүйесі.