Толковый словарь казахского языка: ҚОШ

Слово: Казахский язык Русский язык Английский язык Найти

|ҚОШ 1#омоним [ ир. ] #одағай. 1. Бірбірімен айырылысар, ұзаққа қоштасар кезде айтылатын лебіз сөз. 2. #ауыспалы мағына. Әлқисса, әңгімені осыдан әрі жалғастырайын деген мағынадағы қыстырма сөз. Қош айтты. Қоштасты, айырылысты. Қош айтысты. а) Алыс сапарға аттанарда бір-біріне ізгі тілек тілесті; амансаулық тілеп қоштасты. ә) Бір істен, бір нәрседен қол үзді, бір жастан, шақтан алшақтады. б) Дүниеден өтейін деп жатқан адаммен кешу айтысты; ақтық рет арыздасты. в) Бір нәрседен айырылды, жоғалтты. Қош, аман бол. тілек. Аман-есен бол деген мағынадағы қоштасқанда, ұзаққа айырылысқанда айтылатын лебіз сөз. Қош бол [ болың ]! Қоштасарда, алыс сапарға аттанарда көріскенше сау-саламат бол деген мағынада айтылатын сөз. Қош боп тұр! Көріскенше аман-есен бол, амандығыңды тілеймін деген мағынада қоштасқанда айтылатын #тілексөз.
|ҚОШ 2#омоним [ ир. ] #сын есім. 1. Ұнамды, жағымды, құптаған, жылы, тартымды. 2. Жарқын, игі, жақсы. Қош алды. а) Дұрыс деп тапты, құптады, мақұлдады. ә) Күтті, қарсы алды. Қош алушы. Қошеметпен күтім көруші. Қош болды. Риза болды, көңілі толды. Қош келдің! тілек. Дер кезінде, дәл уақытында келдің; зәуі түсіп келдің, сәтті келдің (көбінесе сырттан келген кісіге, қонаққа т.б. жылы лебіз білдіру үшін айтылады). Қош келді. Жөн болды, ұнады. Қош көрді. Ұнатты, жаратты, мақұлдады, құптады. Қош рай. Қошуақ көңіл. Қош тұтты. Құрметтеді, сый-құрмет жасады, қошемет көрсетті. Қош уақыт болды. Бір мезетке жаны жайланды, бір сәтке болса да көңілі жадырады, қуанышқа бөленді.