Толковый словарь казахского языка: ПӘЛЕ

Слово: Казахский язык Русский язык Английский язык Найти

|ПӘЛЕ 1#омоним [ #араб тілі. ] #зат есім. 1. Шатақ, дау-жанжал, бәле-жала. 2. Қырсық, кесел, кесапат. 3. Ауру, індет. 4. #мифологиялық. Әлдебір қорқынышты нәрсе, адам шошырлық құбыжық, жын-шайтан. Пәлеге жолықты. Басын даужанжалға салды, қырсыққа тап болды, әуреге түсті. Пәлеге қалды. Қырсыққа жолықты, басына пәле болып кезікті. Пәлеге ұшырады. Басы бәлеге қалды, істі болды, дауға қалды. Пәледен машайық қашыпты. Басқа кесірі, қырсығы тиетін істен (кісіден) аулақ жүр деген мағынада. Пәледен сақтады. Кесіркесепаттан аман алып қалды, жамандықтан қорғады. Пәле жапсырды. Орынсыз кінә тақты, қаралады. Пәле жапты. Нақақтан күйдіріп жала жапты, айып тақты, жамандық жасады, кінәлады. Пәле жауғызды [ жаудырды ]. Жамандықты бастан асыра үйіптөкті, жауыздықты, қастандықты үдетті. Пәле жуытпады. Жаладан қорғады, жамандықты маңайлатпады. Пәле қайдан дерің бар ма. Жамандық, кесапат аяқ астында. Пәле қуды. Жамандық, арамдық ойлады. Пәле қылды. Шатақ шығарды, дау-жанжал іздеді. Пәленің отын өргізді. Пәлені тоғытты, өршітті. Пәле оралды. Дау, жанжал болды, кесір болды. Пәле салды. Жала жапты, шатақ қылды. Пәлесі жұқты. Кесірі тиді, қырсығы шалды. Пәле шақырды [ терді, іздеді ]. Шатақ жасады, жамандық, дау-жанжал туғызды. Пәле шығарды. Бүлік шығарды, шатақ жасады. Пәле іздеді. Біреуге жамандық ойлады.
|ПӘЛЕ 2#омоним [ #араб тілі. ] #сын есім. сөйлеу. Еті тірі, пысық, пәлекет, қу.