Толковый словарь казахского языка: ПАЙДА

Слово: Казахский язык Русский язык Английский язык Найти

|ПАЙДА [ #араб тілі. ] #зат есім. 1. #экономикалық. Өндіріс, ауылшаруашылық өнімдерінен, саудадан түсетін мол табыс, таза кіріс; түсім. 2. Адамға тиімді, жағымды іс-әрекет. 3. Жәрдем, көмек, сеп. 4. Жеке басының қамы үшін қажетті нәрсе, іс-әрекет. Пайда берді. Тиімді нәтиже берді, жәрдемін тигізді. Пайда бермедi. Жөндi нәтиже шықпады, жәрдемi тимедi. Пайда беру. Табыс көзі болу. Пайда болды. а) Жаңадан шықты, бұрын жоқ нәрсе көріндi. ә) Себi тидi, қажетке жарады. б) Тап болды, кезікті, көрініс берді. Пайдаға асты. Қажетке жарады, іске татыды, керегіне пайдаланылды. Пайдаға асырды. Пайда қылды, қажетіне жаратты. Пайдаға келтірдi. Қажетке жаратты. Пайдаға жаратты. Керегіне пайдаланды. Пайдаға шаш етектен батты. Олжаға кенелді, қарық болды. Пайда жоқ. Босқа әуре боласың, ештеңе шықпайды деген мағынадағы сөзқолданыс. Пайда келтірді. Пайдасын тигізді, сеп болды. Пайда көрді [ тапты ]. Олжа тапты, табысқа қарық болды, нәтижесін көрді. Пайда қылды [ етті ]. а) Олжа етті, тиімді болуын көздеді, үнем етті. ә) құп көрді, жаратты. Пайда ойлады. Белгілі бір әрекеттен жеке басына қажетті пайда әкелетін жағын іздеді. Пайдасын тигізді. Қолынан келген жәрдемін берді. Пайдасы өз басынан артылмаған. Қара басының қамын күйттеген, қайырымсыз. Пайдасы тиді. Жақсылығы тиді, себі болды. Пайдасы шамалы. Пайдасы жоқ, болар-болмас. Пайда тапты. а) Кіріс кіргізді, табыс тапты. ә) Арам ниетіне пайдаланды. Пайда түсті. Кіріс кірді, табыс тапты. Пайда iздедi. Еңбек етті, пайда қылды.