Толковый словарь казахского языка: ЕРКЕК

Слово: Казахский язык Русский язык Английский язык Найти

|ЕРКЕК 1#омоним #зат есім. 1. #биологиялық. Хайуанаттардың, басқа да жанды тіршілік иелерінің тұқым шашатын жыныстылары. 2. Ер жынысты адам. 3. Әйелдің некелеп қосылған күйеуі, жұбайы. 4. Күшті, мықты ер адам, нағыз жігіт. Еркек алтын [ күміс ]. #зергерлік. Төмен сапалы, өңделмеген, қоспасы бар алтын не күміс. Еркек бала. Ер жынысты бала, ұл. Еркек балаша. Ұл баладай, жігіт сияқты. Еркек басыңмен. к е ю. Еркек бола тұрып. Еркек жіп. #этнографиялық.#қолөнер. Күзуде болып, үнемі үске шығып отыратын өрмектің жібі. Еркек кіндік [ кіндікті ]. Еркек атаулы, еркек біткен, еркек баласы. Еркек кіндік [ еркек тоқты, ер ] құрбандық. Ел мүддесі, елдік сияқты биік, асқақ мақсатқа жету жолында ер азаматтың жаны пида, жаны садақа [ Мұсылман аңыздары бойынша, Ыбрайым пайғамбар Алланың аянын орындау үшін баласы Ысмайылды құрбандыққа шалмақшы болып, Ысмайыл да Құдай жолында жанын пида қылмақшы болып тұрғанда, Алланың рақымы түсіп, құрбандық ретінде көктен қошқар түседі; осыған байланысты еркек тоқты, еркек кіндік құрбандық деген сөзқолданыс қалыптасқан ]. Еркек кіндіксіз. Ер адам жоқ, кілең әйел. Ер баласы, ұлы жоқ. Еркек қаздай қоқиланды. #бейнелі сөзқолданыс. Қыр көрсетті. Еркек қара қарғадай. #экспрессивті.#мысқыл. Жарбиған, шалқаңдаған, шайқалаңдаған. Еркек қиық көз. Нағыз еркектерше қарап, тани білетін қырағы көз. Еркек қой. Бойдақ қой. Еркек қойын аударады. Еркек малды ұрғашы малға ауыстыру, мал өнімін өсіру. Еркек мінез. Кесіп бірақ айтатын ер адамға лайық мінез. Еркек тіс. #зергерлік. Күміспен ешекейленген сүйек тарақтың ірі тістері. Еркек усасыр. #өсімдік. <лат. drуоpterіs fіlіx-mаs> Тамыр сабағы жуан, қоңырқай түсті, көлбеу өсетін, көптеген жіңішке, қосалқы тамырлары бар, биіктігі 1 мге дейін жететін көпжылдық, шөптектес өсімдік.
|ЕРКЕК 2#омоним #зат есім. #өсімдік. <лат. аrgоpуrоn pec-tіnіfоrme> Сояуының ұшына масақ салып, шоқ-шоқ боп өсетін бидайық тұқымдас қыр шөбі.