Толковый словарь казахского языка: БІРЕУ

Слово: Казахский язык Русский язык Английский язык Найти

|БІРЕУ 1#омоним Есім. Белгісіз, бөгде адам. Бiреу болмаса біреу. Көптің iшінен біреуi. Біреуде тынысы кетті. Басқаға есесі кетті. Бiреуден iлгерi, біреуден кейін. Орташа, ілдалап. Бiреудің ала жібін аттамады. Еш кімге қастық қылмады; бұрауын алмады, адал өмір сүрді. Біреуге [ біреудің үстіне ] жүк болмады. Салмағын салмады, ауыртпалығын түсірмеді. Бiреудің атқан оғы. Жөнжосығына қарамай, біреудің шылауында жүрген, дегеніне көнбістi адам туралы айтылады; біреудің [ басқаның, өзгенің ] қолымен от көседі. Біреудің қаңсығы, біреудің таңсығы [ біреуге таңсық ]. Өзгенің қолындағыға әуес болушылық. Бiреудің отына жылынды. Бiреуге кіріптар болды. Бiреу өлмей, біреу күн көрмейдi. Бiр адам келуi үшін екіншi адам кетуi, орынды босатуы керек деген мағынада. Бiреу тойып секіредi, біреу тоңып секіредi. Бiреулер барлықтан астамсиды, біреу лер жоқтықтан қиналады; әр iстің себебi, әркімнің күйi басқа деген мағынада.
|БІРЕУ 2#омоним #санесім. Жалғыз ұғымын білдіретін жинақтық #санесім. Бiреу болғанмен бірегей. Аз болса да саз, жалғыз болса да көпке бергісіз. Біреуден екеу, екеуден үшеу болды. Уақыт өткен сайын үздіксіз көбейді, арта түсті. Бiреуi – бір, екеуi – екi. Арасын суытпай, кезекпе-кезек. Бiреуi екеу болды. Басына – бас, жанына – жан қосылды, көбейдi. Бiреуінің етін біреу жедi. Қырқысты, тістестi, бірін-бірi қырды. Біреуі олай, біреуі бұлай. Бірі олай, бірі бұлай; бетбетімен, әрқайсысы өзінше. Бiреуi олай, біреуi бұлай қарады. #сөйлеу. Ешкім тыңдамады, елең қылмады. Біреуді екеу деген кезi жоқ. Ешқашан өтірік айтпады, еділетсіздікке бармады, зиян келтірмеді.