Толковый словарь казахского языка: ҚҰРАН

Слово: Казахский язык Русский язык Английский язык Найти

| ҚҰРАН [ #араб тілі. ] #зат есім.#діни. 1. Ислам дінінің негізгі қағидалары көрсетілген, Мұхаммед пайғамбардың 610632 жылдар аралығында Мекке мен Мединеде пайғамбарлық аяндар түрінде айтылған уағыздарының жазба жинағы ретіндегі мәтіні, 114 сүреден тұратын мұсылмандардың ең басты қасиетті кітабы, адамзат баласына Алла тағаладан көктен түскен қасиетті төрт кітаптың бірі. 2. Құран кәрім аяттары толық жазылған кітап. // Құранның дауыстап оқылған аяттары. Құран аударды. діни. Қайтыс болған кісіге сауабы тисін деп, Құранның аят, дұғаларын оқыды. Құран аударту. діни. Қайтыс болған адамға сауабы тисін деп, Құранның аят, дұғаларын оқыту. Құран аяты. #діни. Құран сүрелерінің белгілі бір шумағы. Құран бағыштау. #діни. Марқұмға иман тілеп, Құран сүре, аяттарын оқу. Құран дәметтi. #этнографиялық. Алладан рақым тілеп, аруағына бағыштап құран оқуын күттi; Құран бағыштауын тіледi. Құран кәрім. #діни. Қасиетті Құран. Құран көтерді. #діни. Діндарлық, тақуалық жолға түсті, Құранды уағыздады. Құран қайтарды. #діни. Аллаға ғибадат қылып Құран оқыды. Құран қайырды. Құранды бірнеше мәрте аударды, оқыды. Құран оқыды. #діни. Өлген адамға арнап немесе Аллаға ғибадат етіп Құран сүрелері мен аяттарын оқыды, дұға қылды. Құран сөзі. а) Қасиетті Құран кәрім аяттары мен сүрелері. ә) Қасиетті Құран кәрім кітабы. Құран сөзіндей. Құдай тағаланың қасиетті сөзіндей. Құран түсірді. #діни. Өлген адамға иман сұрап, соған бағыштап аят оқыды, дұға қылды. Құран ұстады. а) Дін жолына түсті. ә) Жалынып, жалбарынды. б) Құранды ұстап тұрып ант берді, ант-су ішті. Құран хатым. #діни. Толықтай оқылған Құран. Құран хатым қылды. #діни. Құран қатым шығарды (Құран кәрімді толығымен оқып шықты, Құран түсірді). Құран шығарды. Өлген адамның аруағына бағыштап Құранды бастан-аяқ оқып шықты, Құран аударды. Құран шығартты. Құран оқытты. Құран шықты. #діни. Құран бағыштады, оқыды.