Толковый словарь казахского языка: ҚАРАҒАЙ

Слово: Казахский язык Русский язык Английский язык Найти

| ҚАРАҒАЙ #зат есім. #өсімдік. Түзу, биік болып өсетін, қысы-жазы көгеріп тұратын қылқан жапырақты, шаруашылыққа маңызы зор бағалы ағаш. 2. т е рм. <лат. pіnus> Қарағай тұқымдасының бір туысы, биіктігі 20–50 метрдей болатын бірүйлі мәңгі жасыл ағаш немесе ағаш тәрізді бұта. Қарағай басын шортан шалды. Заман өзгерді; заман азды деген мағынада. Қарағай бойы қар жауса, Жұтамайды сауысқан. #бейнелі сөзқолданыс. Ағайын арасы суыса, жаулары талайды деген мағынада. Қарағайға қарсы біткен бұтақ. #бейнелі сөзқолданыс. Қайсар, қайратты, өрмінез, өжет адам. Қарағайдан садақ будырды. #фольклор. Садағын берік қылып қарағайдан жасатты. Қарағай домбыра. #этнографиялық. музыкалық. Қарағай ағашынан жасалған бағалы домбыра. Қарағайдың қарсы біткен бұтағындай. Қайсар да қайратты, өжет мінезді. Қарағайдың қоңыр аласы. #саятшылық. Саусақтары салалы, жуан, тұмсығы ұзын жебелі, шалқақ кең иықты, денелі, боз шуда, ақ балақ, көкшіл, шегір көз бүркіттердің бір тегі. Қарағайды талға жалғады. Ептеп-септеп күн көрді. Қарағай майы. #ботаникалық. Қарағай жас шыбықтарынан және қылқанынан алынатын эфир майы. Қарағай мүйіз. Мүйізі қатты, үлкен. Қарағай табақ. #этнографиялық. Қарағайдан ойып жасалған табақ. Қарағай тұқымдасы. #ботаникалық. <лат. pіnасeаe> Ағаш, сирек те болса бұта түріндеөсетін қылқан жапырақты өсімдіктердің ең үлкен тұқымдасы. Қарағай мүйізді ешкі. Мүйіз бітісі түзу, жуан әрі ұзын болып өскен ешкі. Қарағай найза. #этнографиялық. Сабы қарағайдан жасалған найза. Қарағай орманы. Құмды және тасты жерлердегі негізінен қарағай ағашынан тұратын орман, кейде қайың ағашы аралас өскен орман.