Толковый словарь казахского языка: ШЕКАРА
| ШЕКАРА #зат есім. 1. Аумақтық жағынан бір-біріне шектесіп жатқан жер. 2. Шек, меже. 3. #информатикалық. <ағыл. bоundаry> Қандай да бір шаманың өзгертілу межесі. 4. #саяси. Қандай да бір мемлекеттің әлемдік қауымдастық мойындаған, жер ауқымының басқа мемлекеттермен шектескен сыртқы межесі. Шекара әскерлері. #әскери сөз. Мемлекеттік шекараны күзету мен қорғауға, елдің егемендігі мен аумақтық тұтастығына қол сұғушылық, әрекеттерінің жолын кесуге арналған арнайы әскерлер. Шекара демилитарландырылуы. #әскери сөз. Халықаралық келісімшарттар негізінде шекараға жанасып жатқан қарулы күштерді жер аумағынан шығару және осы аймақтағы бекіністер мен құрылыстардың салынуына тыйым салу. Шекараны анықтау. #әскери сөз. Шекараны делимитациялау, келіссөз жолымен мемлекеттік шекараның шебін айқындау, оның өтетін шегін сипаттау, картаға түсіру, халықаралық шартқа тиісті шарттарды енгізу. Шекараны қайта межелеу. #әскери сөз. Шекараны редемаркациялау – халықаралық құқықта – мемлекеттік шекараның белгіленген шебін бірлесіп тексеру және қажет болған жағдайда жергілікті жерлерде қираған шекаралық белгілерді қалпына келтіру немесе жаңа шекаралық белгілер орнату, бір үлгідегі белгілерді екінші үлгідегі белгілермен ауыстыру, қосымша белгілер орнату. Шекараны межелеу. #әскери сөз. Шекараны демаркациялау, жергілікті жердегі мемлекеттер тепе-теңдік негіздерде құратын бірлескен комиссиялардың шекараны анықтау туралы халықаралыққұқықтық құжаттардың (шарттар, карталар, шекараның сипаттамалары) негізінде жергілікті жерлерде олардың арнаулы шекаралық белгілерін таңбалай отырып, мемлекеттік шекара шебін анықтау.
© 2021. Wonder Words
Институт интеллектуальных технологий