Толковый словарь казахского языка: ШАРА

Слово: Казахский язык Русский язык Английский язык Найти

| ШАРА 1#омоним #зат есім. 1. Сұйық тағамға арналып, ағаштан жасалған пішіні дөңгелек, іші шұңғыл үлкен ыдыс, аяқ. 2. #ауыспалы мағына. Көздің ұясы, ойдымы. 3. #ауыспалы мағына. Бір нәрсенің аумағы, деңгейі. Шара аяқ. Сусын iшетін үлкен аяқ. Шарасынан асты [ шықты ]. Шамадан артып кетті, шектен шықты. Шарасына түсті. Қалпына, сабасына келді, саябыр тапты.
| ШАРА 2#омоним #зат есім. 1. Белгілі бір жұмысты орындау үшін қолданылатын амал, айла. 2. Келешекте істелетін іс, міндет. Шара бар ма? Амал жоқ, дәрмен жоқ деген мәндегі сөзқолданыс. Шара жоқ. а) Амалы жоқ, дәрменсіз. ә) Емі жоқ, дауасы жоқ. Шара қолданды. а) Жолын тапты, амал істеді. ә) Жазалады, кінәлады, айыптады. Шараң қанша. Амал жоқ, дәрменсіз. Шарасы болмады. Амалы қалмады, дәрменсіз күйге түсті. Шарасы таусылды. Амалы құрыды, дәрмені болмады. Шара таппады. Амалын таппады, дәрменсіз күйге түсті.