Толковый словарь казахского языка: СЫБАҒА

Слово: Казахский язык Русский язык Английский язык Найти

| СЫБАҒА #зат есім. 1. #этнографиялық. Құрметті қонаққа, жақынжуыққа арнап сақталған соғым еті; кәделі мүше. 2. Үй ішінен жырақта жүрген балаға сақталған соғым еті. 3. Соғым. 4. #ауыспалы мағына. Әр адамның өзіне лайық еншісі, тиесісі, үлесі. 5. #ауыспалы мағына. Несібе, ырыздық. 6. #ауыспалы мағына. Пайда, кіріс. Сыбаға алды. а) Үлес тидi, тиесілi бөлігін алды. ә) Сазайын тартты, жазасын тартты, әшкерелендi. Сыбағадан құр [ жай ] қалды. Тиесілі үлесін ала алмады. Сыбаға дәметті. Жақсылық күтті, несібесін іздеді. Сыбағам қайда. а) Сақталған соғым еті бар ма деген мағынада. ә) Несібем, бұйырғаны қайда деген мағынада. Сыбағасы бар. Кеткен есесі, ала алмаған өші бар. Сыбағасы қайтарылды. Сазайын берді. Сыбағасын алды. а) Сазайын тартты, жазасын алды. ә) Несібесін, ырыздығын алды. Сыбағасын берді. а) #этнографиялық. Қонақтыққа келе алмаған жасы үлкен қария не науқас кісіге астан ауыз тисін деп береді. ә) Сазайын тартқызды, жазасын берді. б) Несібеден, ырыздықтан қағылды. в) Үлес берді, бөліп берді. Сыбағасын даулады. Тиесілi үлесін талап еттi. Сыбағасына қалдырды. Үлесіне, сыбағасына қалдырды, тастады. Сыбаға сорпасы төгілді. #жергілікті сөз. Үлесінен айырылды, бос қалды. Сыбаға тартты. а) #этнографиялық. Арнайы сойылған, сақталған етті асып, сый-құрмет көрсетті, қадірледі. ә) Сыйлады, берді. Сыбағасына [ сыбаға ] тиді. Еншісіне қалды, бұйырды.