Толковый словарь казахского языка: ОБАЛ

Слово: Казахский язык Русский язык Английский язык Найти

| ОБАЛ [ #араб тілі. ] #зат есім. 1. Қоршаған ортаға келтірілген зиян, жандыжансызға жасалған жамандық, жәбір-жапа, қиянат. 2. #діни. Мұсылман дініндегі Алла тағаланың жаратқан жанды-жансыз дүниесіне жасаған қиянатты білдіретін сауап категориясының қарама-қарсы ұғымдар жиынтығы. Обал артты. Күнәлі болды, қиянат қылды, істеді. Обал болды. Қиын болды, қиянат болды. Обал жасады [ қылды ]. Жәбірледі, қиянат етті, қиянатшылық көрсетті. Обал жоқ. Сауап болды, сол керек, тілегені сол еді, сыбағасын алсын. Обалы жібермеді. Тақсыретін тартты, зардабын шекті. Обалы жібермесін. #қарғыс сөз. Қасіретіне жолыққыр, обалына қалғыр! Обалы қанша [ қане ]. Орынсыз кінәлаудың, жазғырудың керегі не. Обалы қырық [ қырық бір ] жылқыға. Ұзатылған, қалыңмалға сатылған қыз туралы аянышты өкінішпен айтылып тұр. Обалымойныңа. Біреуге жасаған күнә, қиянатың өз басыңа деген мағынада. Обалына қалды. Қиянат істеді, жазықсыз жапа шектірді; көз жасына қалды. Обалынан қорықты. Қиянат жасамады, қаймықты, аяғын тартты. Обалын арқалады. Обалына қалды, біреудің алдында кінәлi болды. Обалы не керек [ не, нешік ]. Жазықсыз жазғырудың қажеті жоқ деген мағынада. Обалы нешік. Орынсыз кінәлап қайтесің, жамандаудың реті жоқ; босқа жазғырып керегі не. Обалын көтерді. Күнәсына қалды, айыпты болды. Обалын мойнына алды. Жазасын тартты, көтерді. Обалың бір Құдайға. Осы күйге түскеніңдi өзіңнен көр, сенi тек Құдай құтқарып, аясын деген мағынада. Обалы [ өз обалы ] өзіне. Обал жоқ, өзінен көрсін; бейнетті тапқан өзі, жазасын өзі тартсын деген мағынада.