Толковый словарь казахского языка: НАУРЫЗ

| НАУРЫЗ [ ир. ] #зат есім. 1. Иран күнтізбесі бойынша 22 наурызға сай келетін, Шығыс халықтарының жаңа жылды қарсы алатын ұлы мейрамы. 2. Күнтізбелік жылдың 3айы (31 тәулік), көктемнің 1айы. Наурыз батасы. #этнографиялық. Жыл басын, ұлыс мерекесін тойлауда рәсімдi түрде елжұртқа, үлкенкішіге берілетін тілек, байырғы баталардың бірi. Наурыз болу. #жергілікті сөз. #этнографиялық. Түрікменстан қазақтарының ұлыстың ұлы күнінде бір-бірінің үйіне кіріп, амансаулығын сұрап, қос қолдап амандасу, көрісу салты. Наурыздағы шабынған [ бұрқылдаған ] бура тәрізді. Ашуға мінген деген мағынада. Наурызды тойлады. #этнографиялық. Наурыз мейрамын наурызкөже дайындау т. с. с. рәсімдерін жасай отырып атап өтті, мерекеледі, қарсы алды. Наурыз күн қайыруы. #этнографиялық. көнерген сөз. Жыл басын көктемгі күн мен түннің теңелуінен бастайтын ертедегі қазақтардың жыл қайыруы. Наурыз мейрамы. Шығыс халықтарының жаңа жыл басы ретінде 22 наурызда тойлайтын мерекесі. Наурыз мерекесі. Наурыз мейрамы. Наурыз тойы. #этнографиялық. Бүкіл ел болып тойланатын қазақ халқының жаңа жыл мерекесін атау салтанаты, ұлыстың ұлы күні – жыл басы наурызға арналған думанды жиын.

© 2021. Wonder Words
Институт интеллектуальных технологий