Толковый словарь казахского языка: ЖОҒАРЫ

Слово: Казахский язык Русский язык Английский язык Найти

| ЖОҒАРЫ #үстеу. 1. Үстіге, өрге қарай; төмен емес. 2. Биік; аласа емес. // Аспан, көк. 3. Артық, басым. // Көтеріңкі, ыстық. // Мемлекеттік басшылық қызмет, жетекшілік ететін басшы орын. Жоғары атақ. Қандай да бір атқарған қызметі, сіңірген еңбегі үшін берілетін құрметті ат, жоғары дәреже. Жоғары баға. #педагогикалық. Өте жақсы, жақсы оқығандығы үшін мектеп оқушыларына, студенттерге қойылатын «4» немесе «5»тік баға. Жоғары бағаланды. Біреудің қол жеткен табысы, аяқтаған ісі мадақталды, мақталды, үлгі етілді, ескерілді. Жоғары бағалау. #ресми. Жақсы, өте жақсы баға беру. Жоғары білім. #педагогикалық. Орта білім негізінде жоғары оқу орындарында берілетін және ресми құжатпен (дипломмен, сертификатпен және тағы басқа.) расталатын маманның кәсіби біліктілік дәрежесі. Жоғары білімді. Жоғары оқу орнын бітірген, бітіргендігін растайтын дипломы бар. Жоғары дамыған ел. Экономикасы, халықтың әлауқаттық жағдайы әлемдік жоғары деңгейде дамыған, ғылыми-техникалық прогресс жетістіктерін жан-жақты пайдаланған алдыңғы қатарлы ел. Жоғары дәрежелi білім. Жоғары оқу орындарында берілетін білім. Жоғары дәрежелi мектеп. Жоғары деңгейде білім беретін, арнайы мамандандырылған мектеп. Жоғары дәрежелi оқу орны. Жоғары білім беруге сәйкес бағдарламалар бойынша оқытатын институт, университет және арнаулы білім беруге лайықталған академия. Жоғары дәрежелі метаморфизм. #геологиялық. Гранулитті және эклогитті фациялар. Жоғары деңгейлi. Дәрежесi биік, сапалы. Жоғары деңгейлі программалау тілі. #информатикалық. <ағыл. hіgh level lаnguаge> Коды негізінен дағдылы тілдің сөздері мен математикалық символдардан тұратын бағдарламалау тілі. Жоғары деңгейлі тіл. и н ф. <ағыл. hіgh оrder lаnguаge> Бағдарламалар орындалатын компьютерді терең білуді қажет етпейтін, әртүрлі мәшинелік тілдерге аударылуы мүмкін, операциялар мен адрестерді символмен белгілеуге болатын, программаның логикасы мен мәліметтер құрылымын ұсынуды жеңілдетуге мүмкіндік беретін программалау тілі. Жоғары жақ. эвфем. Мемлекеттік басшылық орган. Жоғары кернеулі. Қуаты, қысымы күшті. Жоғары көрсеткіш. сов. #тарихи. Ең озық көрсеткіш. Жоғары көтерді. Біреуді көзінше қатты мақтады, дем берді, қолтығына су бүрікті. Жоғары қабат. #сөйлеу. Жоғарғы қабат, үстіңгi қабат. Жоғары қарай мультиплекстеу. #информатикалық. <ағыл. upwаrds multіplexіng> Ашық жүйелер архитектурасында – айтарлықтай жоғары деңгейлі бір арна бойынша мәліметтерді жеткізуді жасақтау үшін айтарлықтай төменгі деңгейлі бірнеше тәуелсіз арнаны бір мезгілде пайдалану. Жоғары қысым. #физикалық. Денеге түсірілген 0,1 гигапаскальдан (Гпа) артық қысым. Жоғары май қышқылдары. #биологиялық. Бір негізді карбон қышқылдары. Жоғары математика. Техникалық т.б. кейбір оқу орындарының оқу жоспарына енетін математикалық пәндер жиынтығының атауы. Жоғары мектеп. Жалпы немесе арнаулы орта дәрежелі білім негізінде жоғары білімді мамандар даярлайтын оқу орындарының жалпы атауы. Жоғары молекулалық қосылыстар. #химиялық. Молекуласының массасы бірнеше мыңнан көптеген миллионға жететін химиялық қосылыстар. Жоғары оқу орнынан кейінгі кәсіптік білім беру. Білім беру жүйесінің жоғары сатысы ретінде біліктілігі жоғарығылыми кадрлар даярлау мақсатында білім беру. Жоғары оқу орындары. Экономиканың, ғылым мен мәдениеттің түрлі салалары үшін жоғары білімді мамандар, ғылым және педагог кадрлар даярлайтын, жоғары білімді мамандар даярлау ісін жетілдіруге бағытталған ғылыми зерттеу жұмыстарын жүргізетін, өнеркәсіп, ауылшаруашылық, мәдениет т.б. салаларда еңбек ететін мамандардың біліктілігін жетілдіретін оқу орындары. Жоғары палата. #саяси. Заң шығаратын ең бірінші инстанция. Жоғары сапалы алтын. #кен ісі. Сапалық көрсеткіші әдетте 850900% аралығында, тіпті 999 болуы мүмкін, құрамында өзге элемент қоспалары өте аз мөлшерде болатын алтын. Жоғары сапалы басылым. #информатикалық. <ағыл. Letter Quаlіty> Қағазға басылған мәтін сапасының, электрлік баспа мәшинесінен шыққан мәтін сапасының жоғары болуы. Жоғары сапалы болат. #кен ісі. Физикалықхимиялық және механикалық қасиеттері жоғары болат. Жоғары сатыдағы аңдар. #зоологиялық. <лат. plасentаlіa немесе eutherіa> Ұрпағын тірі туатын сүтқоректілердің инфракласы. Жоғары сатыдағы өсімдіктер. #ботаникалық. Өркендері (сабақ, жапырақ, жыныс мүшелері), стелла немесе тіректері бар спораны, тұқымды өсімдіктерді біріктіретін үлкен топ. Жоғары сатыдағы саңырауқұлақтар. #ботаникалық. Жіпшумақтары клеткаға бөлінген, жемістік денелері бар (қалпақшалы, діңгекті және тағы басқа.) аскомикота, базидмомикота бөлімдеріне жататын саңырауқұлақтар. Жоғары сатыдағы шаян тәрізділер. #зоологиялық. <лат. mаlасоstrасa> Буынаяқтылар типінің бір класс тармағы. Жоғары стиль. әдеб. Кітаби тіл, поэтикалық стиль. Жоғары сұранымды тауар. #экономикалық. Халық тарапынан болатын сұраным тауарлардың негізгі көлеміне сұранымнан асып түсетін тауар. Жоғары сұрыпты ұн [ бидай ]. Кеуек, қабықтарынан әбден тазаланған, ең жоғары сападағы ұн, бидай. Жоғары температуралы газдық коррозия. #физикалық. Жоғары температураларда қақ түзе жүретін газдық коррозия. Жоғары төрттаған. #спорт. Балуанның тізерлеп отырып алақандарын кілемге тіреп тұрған күйі. Жоғары шық. а) #этнографиялық. Үйге кірген адамға төрге өт, төрлет, қонақ бол деген мағынада қолданылатын сый-құрмет лексикасы. ә) #ауыспалы мағына. Есігіміз ашық, келіңіз деген мағынада. Жоғары шықты. Төрлетіп отырды, жоғарылады.