Толковый словарь казахского языка: ЕСІК

| ЕСІК #зат есім. Үй мен бөлменің т.б. ашыпжауып, кіріпшығатын орны. Есігi ашусыз қалды. Үйелменімен қырылды, үй-iшінен тірi жан қалмады. Есігі ашық. а) Пейілі кең, дастарқаны жаюлы. е) Рұқсат, қайда барсаң да жол бос. Есігi құрғаудан қалды. Үйінен қонақ арылмады. Есігін ашпады. Бармады, хабарласпады, қатыспады. Есігінде қалды. Қамқоршы, жанашыры болмай, біреудің тербиесінде болды. Есігіне енді. Араласты, жақын тартты. Есігінен қарамады. Бармады, араласпады, қатыспады. Есігінен қаратпады. Үйіне кіргізбеді, қатыспады, жолатпады. Есігінен қарауға жарамады. Беттей алмады, жақындауға дәті шыдамады; халжай сұрамады, хабар алмады. Есігінен шықпады. Жалданды, малай болды. Есігін ойран қылды. Үйінің астанкестеңін шығарып, талқандады. Есігін тоздырды. Қайта-қайта келе берді, ығыр қылды, мазалады. Есігінің алдына келтірді. Дегенін істетті, бас идірді. Есігі ойран, төрі талқан. Тас талқаны шыққан, ойран-топыр болған. Есігі тарлық. Пейілі тарлық, сараңдық. Есік аштырды. #этнографиялық. Күйеу қайын жұртына ұрын бару кезінде жеңгелерi кәдесін алды. Есік ашық. а) Келем деген кісіге қарсылық жоқ, үнемi қуана қарсы аламыз деген мағынада. ә) #ресми. Мәдени (концерт, кеш т. с. с.), қоғамдық (семинар, дәріс т. с. с.), жиын, iсшаралардың ақысыз, шақырусыз өтетінін хабарлауда қолданылады. Есік ашылды. Жолы болды, керегi алдынан шықты. Есік баққыш. #сөйлеу. Мейрамхана, қонақүй кіреберісінде есіктi ашыпжауып тұратын адам. Есік жақ. Үй ішінің төрге қарама-қарсы тұсы, орны. Есік көзі. Есіктің алды, табалдырықтың қасы, босаға. Есік көрген. Бұрын күйеуге тиген, тұрмыста болған. Есік көрсету. #этнографиялық. Жаңа түскен келінді күйеу жігіттің туғантуысқандары мен досжарандарының қонаққа шақыру ресімі. Есік қақты. а) Кіруге рұқсат етуін сұрады. е) Қаңғыбас, кезбе. Есік пен төрдей. а) Аралық өлшемі, анадай жерде, біраз қашықтықта. е, өте жақын, азақ, азғана. б) Денелі, үлкен, зор. Есіктегі басын төрге сүйреді. Сый-құрмет көрсетіп, беделін арттырды. Есіктегі басың төрге жетпесін! қ а рғ. Елеусіз күйіңде, қаріп күйіңде, қадірсіз күйіңде қал деген мағынада. Есіктегі басы төрге жетті. Елеусіз кісінің беделі артты, мерейі көтерілді, құрметке ие болды. Есіктегі малайымсың. #экспрессивті.#жағымсыз. Өз еркің, дауысың жоқ, менің меншігімдегі адамсың деген мағынада. Есікте жүрді. Біреуге жалданып жұмыс істеді, біреудің босағасында қызмет етті. Есіктен шықса тесіктен, тесіктен кетсе есіктен келді. Мұнан кіріп, одан шыққан сужұқпас қу, айлакер. Есікте өлтірді. #көнерген сөз. Жалшылықта, қорлықта ұстады, өмір бойы жалшы етті. Есіктi тарс жапты. Қатты жапты, бекітті.

© 2021. Wonder Words
Институт интеллектуальных технологий