Толковый словарь казахского языка: БЕЙНЕ

Слово: Казахский язык Русский язык Английский язык Найти

| БЕЙНЕ 1#омоним #зат есім. 1. Кескінкелбет, түр, тұрпат, тұлға. 2. Мүсін, сымбат, пішін, көрік. 3. психол. Дүниедегi заттардың, жануарлар мен адамның түрлi тітіркендіргіштерге жауап қайтарып әсерленуінен қалған iз, таңба, өзгеріс. 4. әдеб. Өмірдi сөз өнерi арқылы бейнелеп берудің құралы мен пішімi ретіндегi эстетикалық категория, көркем шығарма яки ауыз әдебиетіндегi кейіпкер, образ, тұлға. 5. Көрік, көрініс, кейіп, жүз. Бейнелердi тану. #математикалық. Бейнетану. Бейнелердi шифрдан шығару. #техникалық. Бейнелердi, олардың бейнеленулерi (фотографиялық, теледидарлық, жылылық, радиолокациялық, голографиялық және тағы басқа.) арқылы табу, тану және бағалау. Бейненi айырып тану. #информатикалық. <ағыл. аrtіfісіаl perсeptіоns> Компьютерлік бағдарламаның белгілердi айырыптану, топтастыру немесе ұқсастыру тәсілдерінің жиынтығы. Бейненi қалпына келтіру. #информатикалық. <ағыл. sсreen refresh, imаge reсоnsfruсtіоn> Қалпына келуге тиістi бейне нің жадтағы түрi негізінде қалыптастыруды орындауға қажеттi оқиғалар тізбегi.
| БЕЙНЕ 2#омоним #шылау. 1. Секілдi, сияқты, тәріздi. 2. Нағыз, дәл, кәдімгi. Бейне бір. Сөйлемде өзінен кейін (кейде бұрын да ) келетін сөздi сипаттаушы тәріздi, секілдi, сияқты, ұқсайды деген мағынадағы көмекшi сөзқолданыс. Бейне [ бақшадай ] Иранбақ. #поэтикалық. а ) Асқан әдемі жер, саялы, саябақты, абаттанған мекен. ә ) Көркі тасқан, күшкелбеті келіскен, жайнаған.
| БЕЙНЕ 3#омоним... #термин. Кескін, бейне сигналдарды теледидарда, электрондық есептеуіш мәшине мен басқа да құрылғылардың экрандарында көрсетуге қатысты аспап, құрылғы, құбылыс, материал т.б. білдіретін күрделi атаулар құрамындағы сөз.