Толковый словарь казахского языка: БАЛАПАН

| БАЛАПАН #зат есім. 1. Құс атаулының баласы; қанаты қатаймаған кезi. 2. #ауыспалы мағына. Еркелету мағынасында балаға айтылатын сөз. 3. #ауыспалы мағына. Кiшкентай, жас, піспеген, балғын. Балапан ашты. Жұмыртқа шайқап, балапан шығарды. Балапан әжім. Көздің айналасына түскен ұсақ, жаңадан түскен әжім. Балапан балық. Тұқылар тобына жататын кішкентай балық. Балапан [ жұмыртқа ] басты. Жұмыртқадан балапан шығарды. Балапан басына, тұрымтай тұсына. Әркім өзінше, өз жөнімен, беталды. Балапан баулыды. Балапанын ұшуға үйреттi, жаттықтырды. Балапан бұтақ. Ағаштың діңінің, iрi бұтақтарының бойында қылтиып жаңадан пайда болған өркендерi. Балапан етi. Жетi айға жетпеген тауық балапандарының етi. Балапан жаңбыр. Себезгілеген, жұмсақ жаңбыр. Балапан жүн. Кiшкентай, жаңа шыққан жүн. Балапан жыр. #поэтикалық. Алғашқы жыр, жастық шақтағы шығармашылық. Балапан құс. Жас, қанаты қатаймаған құс. Балапан құстай оңдалды. Ұшуға оңтайланды, талаптанды, талпынды. Балапан тау. Кiшкентай тау. Балапан торғай. Әлi жетіле қоймаған, кішкентай торғай. Балапан түйнек. Уақ, ұсақ түйін. Балапан түк. Қысқа, жаңадан шыға бастаған түк. Балапан шақ. Кiшкентай, бала кез. Балапан шаш. Жаңадан шығып келе жатқан майда, жұмсақ маңдай шаш. Балапан шығарды. Жұмыртқа басып шығарды.

© 2021. Wonder Words
Институт интеллектуальных технологий