Толковый словарь казахского языка: АСЫҚ

Слово: Казахский язык Русский язык Английский язык Найти

| АСЫҚ 1#омоним #зат есім. 1. #анатомиялық. Малдың және басқа жанжануарлардың сирағы мен сан жіліктерін жалғастыратын, бір жағы қуыс, бір жағы дөңес төрткіл топса сүйек. 2. #этнографиялық. Балалардың үй-iріп, шиырып, атып ойнайтын ойында қолданылатын қойдың асығы. 3. Балалардың қой асығын шиырып, атып ойнайтын ойыны. Асығы алшысынан түстi [ тұрды ]. Ойдағысы орындалды, дегенi болып тұр, жолы болды, сәтi түстi. Асығын алшы иірдi. Істің сәтi түстi, оңтайы келдi. Асығы түгел. Есебi түгел, тасы өрге домалап тұр, шаруасы орнында. Асық атты. Асықпен ойнады, сақамен асықты ұрды. Асық жамбы. #зергерлік. Асықтың үлкендігіндей етіп құйған таза күміс. Асық жілік. а) #анатомиялық. <лат. tіbіa> Жануарлардың артқы аяғындағы ортан жіліктен төменгi сүйек, жоғарғы жағынан ортан жілікпен, төменгі жағынан жіліншікпен түйіскен асығы бар сан жілік. ә) #этнографиялық. Бастабаққа жамбаспен қоса салынатын кәделi мүше; асырап алған ұлға ұстататын жілік. Асық иірдi. Асықты (сақаны) алшысынан, не тәйкесінен түсіру үшін шиырды. Асық ойыны. #этнографиялық. Қазақ халқының дәстүрлi ұлттық ойыны. Асық ұтыс. #бейнелі сөзқолданыс. Өзгермелi, тұрақсыз қарым-қатынас.
| АСЫҚ 2#омоним #сын есім. 1. #поэтикалық. Ғашық. 2. Құштар, ынтық. Асық болды. а) Зар болды, құмартты. ә) Тездеуін қалады, асықты.
| АСЫҚ 3#омоним #сын есім. поэтикалық. Өзгелерден өзгеше, артық, ерен.
| АСЫҚ = #етістік. 1. Жылдам қимылдау, шапшаңдату, тездету. 2. #ауыспалы мағына. Ынтығу, құмарту, сабырсыздану, талпыну, талаптану.