Қазақ тілінің түсіндірмелік сөздігі: ӨСЕК

Сөз: Қазақ тілі Орыс тілі Ағылшын тілі Іздеу

|ӨСЕК #зат есім. Біреуді сыртынан даттап, ғайбаттап айтқан сөз. Өсек айтты [ еттi ]. Бiреудің сыртынан ғайбат сөз сөйледi, жалған, өтірік пікір жеткіздi. Өсек аңдыды. Дақпырт сөзге әуес болды, өсек терді. Өсек бақты [ қуды ]. іздегені өсек-аяң, алыпқашты, сыпсың әңгіме болды, жаманат, қауесет, сырт ғайбат сөз таратты. Өсек гуледі [ гуілдеді, лаулады ]. Өсек үсті-үстіне айтылды, өсек жайылды. Өсек ерді. а) Артынан жаманат ерді, өсекке ілінді. ә) Өтірікке, жалған сөзге иланды, сенді, алданды. Өсек етті [ қылды ]. Сыртынан ғайбат, қиянат сөз таратты, жаманат тағып сөз етті. Өсекке қалды. Алыпқашпа сөзге ілінді, датталды, сөзге қалды. Өсекке таңды [ салды ]. а) Кінәны, қылмысты басқаға аударды, жала жапты. ә) Артынан сөз ертті, жамандады. Өсекке шалынды [ шырмалды, ілінді ]. Сөзге қалды, артынан сөз ерді, ғайбатқа ұрынды. Өсек қуды. Іздегені өсек-аяң, сыпсың әңгіме болды; жаманат қауесет, сырт қайбат сөз таратты. Өсек лаулады. Әңгіме, алыпқашты сөз, дақпырт көбейді, өрттей қаулады. Өсек сөз. Біреуді сыртынан даттап жамандаған ғайбат сөз. Өсек тарады. Ғайбат сөз жайылды, неше саққа жүгіртті. Өсек тасыды [ жүргізді ]. Өтірік жалған сөзді, ғайбат сөзді бірденбірге жеткізді. Өсек терді. Алыпқашпа, сыпсың сөзді жұртқа жайды. Өсекті жүндей сабады. Ағайынның, екі кісінің, тату достың арасына от жағар, ушықтырар, араздыққа апарар, жауықтырар сөз жүгіртті. Өсекті қарша боратты [ судай сапырды ]. Жалған сөзді үсті-үстіне төпеді, бұрқыратты. Өсектің желі тұрды. Өсек тарай бастады.