Қазақ тілінің түсіндірмелік сөздігі: ҰСАҚ

Сөз: Қазақ тілі Орыс тілі Ағылшын тілі Іздеу

|ҰСАҚ #сын есім. 1. Кішігірім, майда, уақ. 2. #ауыспалы мағына. Тиыннан құралған майда ақша. 3. #ауыспалы мағына. Қой-ешкі, уақ мал. 4. #ауыспалы мағына. Күйкі тіршілік, уақ-түйек. 5. #ауыспалы мағына. Қақсоққа құмар, өсекаянға мән бергіш (адам). 6. #ауыспалы мағына. Кішкентай, болмашы нәрсе. 7. Жұқалтаң, сіркіреп жауған, майда (жаңбыр, қар). 8. #ауыспалы мағына. Мәнсіз, елеусіз, қарапайым. Ұсақ адам. Біреудің мерейін көре алмайтын, іші тар кісі. Ұсақ бұзақылық. #заң. <ағыл. smаll hоolіgаnіsm>. Қылмыстық жаза қолданылатын бұзақылыққа жете-қабыл әкімшілік құқық бұзушылық. Ұсақ бүрлер. #биологиялық. <лат. mісrоvіlli> Жасуша қабыішасы (плазмолемма) мен цитоплазмасының тым ұсақ өсінділері. Ұсақ глиоциттер. #биологиялық. <лат. mісrоglіосуtus> Жүйке ұлпасының құрамында болып, қорғаныш қызметін атқаратын моноциттер туындысы. Ұсақ қара. Қой, ешкі сияқты уақ мал. Ұсақ құмды саздақ. Кейбір қасиеттерімен л¸сқа ұқсас, бірақ көп қабатты, сазды, құмды, кейде қиыршық түйірлер түрінде болатын саздақ. Ұсақ саудагер. Ұсақ-түйек сатумен тиынтебенін тауып жүрген адам. Ұсақ сезім. #бейнелі сөзқолданыс. Көрсеқызарлық, желікпе сезім. Ұсақ сөз. Мәнсіз әңгіме, өсек-аяң, пыш-пыш сөз. Ұсақ топырақ. Түйірлері өте ұсақ, 1 мм шамасынан да кіші болатын топырақ. Ұсақ түйіршікті уылдырық. Сазан, көксерке, қаракөз, табан, шортан, жайын сияқты балықтардан алынатын уылдырықтың түрі. Ұсақ шабақ. Тұқы тұқымдасына жататын ұсақ балық.