Қазақ тілінің түсіндірмелік сөздігі: ҚУАНЫШ

Сөз: Қазақ тілі Орыс тілі Ағылшын тілі Іздеу

|ҚУАНЫШ #зат есім. 1. Бір нәрсеге қуану, масаттанып, риза болу сезімі; шаттық, көңілділік. 2. #ауыспалы мағына. Біреудің көңілге медеу тұтарлық жұбанышы, қызығы, арқа сүйері. Қуаныш әкелді. Қуантты, қуанышқа кенелтті, мәз етті. Қуаныш білдірді. Бірге қуанды, қосыла қуанды. Қуаныш етті [ қылды ]. Қуанды, мәз болды. Қуаныш кернеді. Қатты қуанды. Қуаныш көрді. Бірге қуанды, мәз болды. Қуанышқа батты. Қуанды, мәзмәйрам болды, шаттанды. Қуанышқа бөледi. Қуантты, шаттандырды. Қуанышқа бөленді [ кенелді ]. Қуанды, шаттанды, мәз болды. Қуанышқа толды. Қуанып қалды, шат-шадыман болды. Қуаныш құндағына бөленді. Мәз болды, шаттанды. Қуаныш құтты [ қайырлы ] болсын! #тілексөз. Қуанышты жағдайға байланысты адамға (отбасына) айтылатын #тілексөз. Қуаныш оты жарқ етті [ жарқырады, көрінді ]. Қуанғандықтың белгісі байқалды. Қуаныш сыйлады. Қуантты, қуанышқа бөледі. Қуаныш пен қайғы емді. Зейнеті мен азабын бірге көрді. Қуаныштан жүрегі жарылып кете жаздады. Қатты қуанды, шаттанды. Қуаныштан жүрек жарылып кетердей. Қатты қуанған, ерекше шаттанған. Қуанышты күн. Қуанышты хабар алған, қуанған, ерекше күн. Қуаныштың гүлін екті. Көңілін көтерді, қуанышқа, шаттыққа бөледі. Қуанышы қойнына толды [ сыймады ]. Қуанғаннан жүрегі жарылып кете жаздады, қатты мәз болып, шаттыққа бөленді. Қуанышында шек жоқ [ шек болмады ]. Қатты қуанды, шаттыққа бөленді. Қуанышын жасыра алмады [ ішіне сыйғыза алмады ]. Мәз болды, шаттанды. Қуанышыңды жер көргір! #қарғыс сөз. «Жастай солғыр, өліп қалғыр, мүрдем кеткір» деген мағынадағы қарғыс.