Қазақ тілінің түсіндірмелік сөздігі: ҚОСШЫ

Сөз: Қазақ тілі Орыс тілі Ағылшын тілі Іздеу

|ҚОСШЫ #зат есім. 1. #тарихи. Ертеректегі қазақ қоғамында ауқатты, дәулетті тап өкілдеріне жалданып, жеке күтушісі болып жұмыс істеген әлеуметтік топ өкілі, қызметші. 2. Батырдың қасына ерген сенімді сарбазы, көмекшісі. 3. #тарихи. Әскербасы. 4. #ауыспалы мағына. Сенімді серік, қасындағы бірге жүрген жолдасы. Қосшы бала. Біреуге қызмет етуші, біреуді күтуші, көмекші жасөспірім, қолбала. Қосшы би. #заң. Мекемелердің белгілі бір ісіне қатысу үшін сайланған халық өкілі. Қосшы билік. Қосшы бидің міндетін атқарушылық. Қосшы одақ. #тарихи. Түркістан АКСР-інде, кейін Орта Азия республикалары мен Қазақстанның ауыл, қыстақ кедей шаруала рынан құрылған бұқаралық ұйым. Қосшы союз. #сөйлеу. Қосшы одақ. Қосшы ұйымы. #тарихи. советизм. Кеңес өкіметі орнағаннан кейін ауылды жерде алғаш ұйымдасқан кедей шаруалар ұйымы.