Қазақ тілінің түсіндірмелік сөздігі: ҚОРЖЫН

Сөз: Қазақ тілі Орыс тілі Ағылшын тілі Іздеу

|ҚОРЖЫН 1#омоним [ ир. ] #зат есім. 1. #этнографиялық. Әртүрлі нәрсе салуға арналып, иірілген жүннен, мақтадан тоқылған екі басты қапшық, теңдеме. 2. #экономикалық. Жекелеген фирма, сала және микроэкономика деңгейіндегі белгілі бір күнгі тауарлар тапсырысының жиынтығы. 3. #экономикалық. Сұранымды және дайындаушылардың мүмкіндіктерін ескере отырып жасалатын, өнімді жеткізу шарттарын жасасу үшін негіз болып табылатын тауарлардың түртүрі бойынша сұрыпталымдық жоспар. 4. #экономикалық. Заңды не жеке тұлға иеленетін түрлі бағалы қағаздар; пакеттерінің жиынтығы. 5. #экономикалық. Субъектінің байлығын құрайтын активтер жиынтығы. 6. #экономикалық. Тапсырыстар жиынтығы (орындалатын жұмыстардың, көрсетілетін қызметтердің көлемі) немесе фирма иелігіндегі бағалы қағаз пакеттерінің жиынтығы. 7. и н ф. <ағыл. reсуcle> Windоws ортасының жүйеге қызмет ету бағдарламасы немесе жүйелік бумасы. 8. кәс. Аудың бір бөлігі. Қоржын апару. #этнографиялық. Қалыңдықтың жасау жабдығын үлкен тойдан бұрын, тіпті бір жыл бұрын апарып, күйеуді қалыңдық еліне көрсетіп, көп ырымсалттардан өтіп қайтатын күйеу жағының барысы. Қоржын ау. кәс. балықшар. Балық аулайтын екі бөлімді ау. Қоржынды әртараптандыру. #экономикалық. Инвестицияларды бірнеше тәуекелдік активтер арасында бөлу жолымен қатерді бәсеңдетуге бағытталған әдіс. Қоржын қора. Кірер аузы бір, өзара қарама-қарсы салынған қора. Қоржын майланды. #жергілікті сөз. Балық ауға көп түсті. Қоржын мойнынан түспеді. Қайыр тілеумен өмірі өтті. Қоржын мұздық. #су шаруашылық. Тау жотасының асу белінде орналасқан ортақ мұздық қар алабынан басталып, салалары жотаның қарсы екі беткейімен ылдиға жылжитын қосарланған тау мұздығы. Қоржын түбі қағылды. Азықтың қоры таусылды, сарқылды. Қоржын шалбар. #этнографиялық. Тізеден жоғарғы жағы делдиген тар балақты шалбар. Қоржынына қоқым тоқтамайтын. Құтсыз, берекесіз, ырысы жоқ, жолы ауыр (адам). Қоржыны тоқ. а) Алып келе жатқан дүниемүлкі мол. ә) Олжалы, табысы мол. Қоржын үй. құрыл. Итарқасы өзімен бірге жабылатын, әдетте құрылыстың өн бойына теріскей жағынан берілетін, астықтың түртүрін бөлек құятын қамбалары, қақ, қауынқұрт, кептірілген жеміс, ірімшік, құрт, диірменге тартылған ұн қоятын орындары, уақытша ет ілетін адалбақаны болатын, арасында асхананың да міндетін атқаратын, ауызүйден оң жақ, сол жаққа қарай тарайтын, бірінде өздері тұрып, екіншісінде қонақ күтетін екі бөлмелі тұрғын үй.
|ҚОРЖЫН 2#омоним #зат есім. #этнографиялық. о й ын. Балалардың екі топқа бөлініп, әр топтан бірбір бала шығып, екінші топтан өз тобына екі баланы сүрінбейжығылмай көтеріп апарғанда, балалар сонда қалатын, жығылса қарсы жақ тобында қалатын балалар ойыны.