Қазақ тілінің түсіндірмелік сөздігі: ҚОЙДАЙ

Сөз: Қазақ тілі Орыс тілі Ағылшын тілі Іздеу

|ҚОЙДАЙ #сын есім. Қой сияқты, қой тәрізді. Қойдай бауыздады [ қырды ]. Қан-жоса етті, жайратып салды. Қойдай бөріктірді. Үрей келтіріп, дүрліктірді, у-шу, азан-қазан қылды. Қойдай жосыды. Қызыл қанға батты, қойша қырылды, жусады. Қойдай жуас [ момын ]. Қой аузынан шөп алмайтын, аса момақан. Қойдай жусатты. Дегенінше жатқызыптұрғызып биледі. Қойдай иірді. Еркіне жібермеді, тырп етуге шамасын келтірмеді. Қойдай қоздады. Балалы болды, туды. Қойдай маңырады. Улапшулады, абыр-сабыр болды, дүрлікті. Қойдай өңгертті. Жеңді, дегенін істетті, діттегеніне жетті. Қойдай өрді. Толып кетті, қаптады; шұбатыла, лек-легімен жөнелді. Қойдай тоғытты. Суға батырды, үйіріп айдап салды. Қойдай шулады. а) азан-қазан, зар жылады, улапшулады. ә) жапа-тармағай жамырап сөйледі, даң-дұң етті.