Қазақ тілінің түсіндірмелік сөздігі: ҚАРЫС

|ҚАРЫС 1#омоним #зат есім. 1. #этнографиялық. Бас бармақ пен ортан қолдың аралығымен өлшенетін ұзындық өлшемі. 2. #ауыспалы мағына. Ұзын, жалбыраған деген мағынада. 3. #ауыспалы мағына. Қысқа, келте. Қарыс баспады [ шықпады ]. Ешқайда бармады. Қарыс жауған қардай. Қалың, биік. Қарыс жер [ бір қарыс жер ]. #этнографиялық. Болар-болмас қашықтық, өте жақын жер. Қарыс жер мұң болды. Жақын жер жеткізбес алысқа айналды. Қарыс қазы. #этнографиялық. Жуандығы бір қарысқа жуық, үлкен, жуан қазы. Қарыс сүйем. а) Бармақ пен ортан қол аралығымен өлшейтін халықтық өлшем. ә) Алақандай, кішкентай (жер). Қарыстан сүйем жақын. Жақынырақ, жуығырақ, таяуырақ.
|ҚАРЫС 2#омоним #зат есім. жергілікті сөз. Ертеде пайдаланылған түйе, қой жүнінен жасалған киім.
|ҚАРЫС 3#омоним: қарыс айырды. Қақ бөлді. Қарыс ұрды. Аһ ұрды, күрсінді.
|ҚАРЫС = #етістік. 1. Айқасып ашылмай, қозғалмай қалу. 2. Тіресу, ерегісу, тайталасу; тырысу. 3. Шаршау, талу; әлсіреу. 4. #ауыспалы мағына. Шыдау, төзу, сыр бермеу.

© 2021. Wonder Words
Зияткерлік технологиялар институты