Қазақ тілінің түсіндірмелік сөздігі: ҚАРЫН

Сөз: Қазақ тілі Орыс тілі Ағылшын тілі Іздеу

|ҚАРЫН #зат есім. <лат. gаster> 1. а н ат. Адамның, жанжануарлардағы ас қорыту жолының өңеш пен аш ішек арасында орналасқан кеңейген бөлігі. 2. #ауыспалы мағына. Құлқын, жеке бастың қамы. Қарны ашты. а) Тамақ ішкісі келді, жүрегі сазды. ә) Көңілі толмады, разы болмады. Қарны жерге тиді. Іші тым үлкейіп кетті (мал туралы). Қарны жер сызды. а) Буаз малдың төлдейтін кезі жақындады деген мағынада. ә)Тойынды. Қарны қабақтай. Қарны үлкен, шермиген. Қарны қабысты. Ашықты, өзегі талды. Қарны қампайды. а) Бүйірі шықты, тойынды. ә) Іші кепті. Қарны қампиған, бұты тыртиған. Тым арық, жүдеу. Қарны қампиды. а) Іші кепті. ә) Бүйірі шықты, тойынды. б) ісіпкепті, мақтанды. Қарнына жұқ болмады. Жұмырына жұқ болмады, тоймады. Қарнынан қақталды. стилü. Отқа ұсталды. Қарнының жыртығын жамады. Аз да болса, жүрегін жалғады, шала-пұла қоректенді. Қарныңа қара пышақ кіргір [ қадалғыр ]. қарғыс. Көбіне артық тамақ ішіп қойғанда я бала “қарным ашты” деп қыңқылдап мазалай бергенде айтылады. Қарны сыздады [ шеңбірек атты ]. Тамақты шамадан тыс көп ішті. Қарны тойды. Молшылыққа кенелді. Қарны тоқ [ болды ]. Тұрмысы жақсы, дастарқаны берекелі. Қарны тоқ, көйлегі көк. Аман-есен, баршылықта тыныш өмір сүріп жатыр. Қарны шықты. а) Тамаққа жарыды, тойынды. ә) Семірді, майланды. Қарын безі. #биологиялық. <лат. glаndula ventrісulіs> Безді қарынның кілегей қабығы өзіндік тақташасында орналасқан қарапайым түтікше без. Қарын бөле. #этнографиялық. Бір анадан туған қыздардың балаларының бір-біріне туыстық қатысы. Қарын бөртпе. #этнографиялық. тамақ өнеркəсібі. Қарынға салып пісіретін ұлттық тағам түрі. Қарын дүре. #тарихи. Ертеде айыпты адамды асқа тойғызып алып, ішінен таяқпен, қамшымен ұрып жазалау тәсілі. Қарын көмбе. #этнографиялық. Жіліктеп бұзылған етке дәмдеуіштер қосып, түгі сыртына қараған қарынға тығып, көміп пісіретін тағам. Қарын қабығы. а н ат. Қарынның сыртқы шырышты қабаты. Қарын қампитты. Бүйірі шықты, тойынды. Қарын құда. #этнографиялық. Бел құда. Қарын құрышы. а) #этнографиялық. Мал қарнының дәмді бөлігі. ә) Маңыздысы, шұрайлы жері. Қарын қышқылы. #биологиялық. Қарында бөлініп шығатын қышқыл. Қарыннан басқа қамы жоқ. #жағымсыз. Жеке басының мүддесін ғана ойлайтын тоғышар (адам). Қарын сөлі. #биологиялық. Қарынның кілегей қабатынан бөлінетін түссіз, мөлдір, шырышты сұйық [ ол қышқылдық реакция көрсетеді (pH 0,8 – 1,2) ]. Қарын сөлі қышқылы.#медициналық. Адамның ішкен асын қорытуға себі тиетін дәрі. Қарын сүзек.#медициналық. Жұқпалы іш ауруы. Қарын терезе. #көнерген сөз. Әйнектің орнына қарын керілген терезе. Қарын тойса қарта боқ сасиды. #сөйлеу. Қарны тоққа қарта да бәмсіз көрінедi. Қарын ұйқысын ұйықтады. Жас сәбидің алғашқы дүниеге келген кездегі ұйқысы. Қарын шаш. #этнографиялық. а) Баланың іштен туғандағы шашы. ә) Жас баланың қырқынан шыққанға дейінгі шашы. Қарын шашы алынбаған. а) Ешкім тимеген; тыныш, алаңсыз. ә) Тезге түспеген, тегеурін көрмеген.