Қазақ тілінің түсіндірмелік сөздігі: ҚАРЫЗ

Сөз: Қазақ тілі Орыс тілі Ағылшын тілі Іздеу

|ҚАРЫЗ 1#омоним #зат есім. 1. Біреуге берілген немесе біреуден алған несие, борыш. 2. #экономикалық. Екі тараптың – қарыз беруші мен қарыз алушының арасында жасалатын келісімшарт түрлерінің бірі. 3. #ауыспалы мағына. Азаматтық борыш, адамгершілік парыз. Қарыз алысу. #экономикалық. Қарыз қаражатын тарту қажеттігі туралы шешім қабылдау, қарызды тарту, пайдалану, өтеу және оған қызмет көрсету тәртібі мен шарттарын белгілеу рәсімдерін қамтитын процесс. Қарызға батты. Көп қарыз алды, борышты болды, несиенi көп алды. Қарызға қызмет көрсету. #экономикалық. Уәкілетті органның немесе банктің қарызгер шоттарындағы қарыз қаражатының пайдалануын есепке алу және қарызгердің негізгі борышты, сыйақыны (мүддені), комиссиялық ақыны және басқа төлемақыларды қарыз шарттарына сәйкес өтеу үшін төлеу жөніндегі қызметі. Қарызды қайтару мерзімі. #экономикалық. Қарызгердің немесе алынған соманы өсімімен қоса өтеу қажеттігі белгіленген уақыт. Қарызды ұластыру. #экономикалық. Қысқа мерзімді мемлекеттік заемдарды ұзақ мерзімді немесе мерзімсіз заемдарға айналдыру жөніндегі операция. Қарыз капиталы. #экономикалық. Облигациялар т.б. бағалы қағаздар шығарудан түскен қаражат есебінен, сондай-ақ, қысқа мерзімді және ұзақ мерзімді банк несиесі есебінен құралатын капитал. Қарыз конверсия. #экономикалық. Бұрынырақ шығарылған қарызды оның мерзімі мен қарыз пайызының мөлшерінің өзгеру мақсатымен байланысты жаңа қарызбен алмастыру. Қарыз қабырғасына батты. Уайымдады, мазасызданды. Қарыз қаражаты. #экономикалық. Кәсіпорынның банктің қысқа мерзімді несиесі тәртібімен алған айналым қаражатының бөлігі. Қарыз қылды. Міндет қылды, міндетсінді. Қарыз міндеттемесі. #экономикалық. Қарыз беруші мен қарызгер арасындағы қарыз шарттары белгіленген құжат. Қарыз сұрады [ алды ]. Біреуден уақытша пайдалану үшін ақша немесе басқа зат алды. Қарызы бар. Өтелмеген парызы бар, борышы орындалмаған. Қарызы кетті. Ақысы кетті, қарызы қайтпай қалды. Қарызы қайтты. а) Біреуге берген ақшасы қайта қолына тиді, берген несиелері қайтарылды. ә) Жасаған жақсылығының өтемін көрді, жақсылығы алдынан шықты. Қарызы қалды. Мойнында өтелмеген борышы қалды. Қарызын ақтады. Борышын өтеді, сенімін ақтады. Қарызын атқарды. Борышын орындады, парызын өтедi. Қарызынан құтылды. а) #этнографиялық. Өлген адамға бағыштап ас беріп, Құран оқытты. ә) Адамдық, азаматтық қарызын, борышын өтеді. Қарызын қайтарды. а) Біреуден алған несиесін иесіне берді, борышын өтеді. ә) Біреудің жасаған жақсылығын өтеді, жақсылық жасады. Қарызын өтеді. Міндетін атқарды, борышын қайтарды. Қарызыңды кеш. #діни. Өлер адаммен ақтық арыздасуда айтылатын #тілексөз.