Қазақ тілінің түсіндірмелік сөздігі: ҚАРУ
|ҚАРУ 1#омоним #зат есім. 1. ә с к. Ұрыста қолданылатын шабуыл және қорғаныс құралдары. 2. Бір нәрседен қорғану үшін пайдаланылатын тас, таяқ, пышақ т.б. заттар. 3. Белгілі бір еңбек өнімін өндіретін құрал, сайман, аспап. 4. #ауыспалы мағына. Күш, жігер, қажыр, қайрат. Қару белдеуі. ә с к. Қару ұңғысының каналынан оқтың шығу нүктесі арқылы өтетін көлденең жазықтық. Қаруға әрекет жасау. #спорт. Өзге жақтың қорғанысын ашып, оны шаншу не соққы беру мақсатында жасалатын, көбінесе шабуыл қимылдарынан тұратын әдістер. Қару даярлау. ә с к. Соғысуға, қорғануға қажет қару әзірлеу, қарулану. Қаруды біріздендіру. ә с к. Қару-жарақ, ұрыс техникасы мен оқдәрілерді бірыңғай үлгіге келтіру. Қаруды қайта оқтау. ә с к. Қаруды кезекті атысқа дайындау процесі. Қаруды қастерлеу. #мифологиялық. көнерген сөз. Орта ғасырларда жауынгерлердің қаруды қасиетті санап, оған сиынуы, әр қаруға жеке ат қойып, оны қадірсіз іске жұмсамай қадірлеуі [ қаруда батырдың жаны болады деген сеніммен байланысты батырлық этикасының үлгісі ]. Қарудың ату жылдамдығы. ә с к. Уақыт бірлігіндегі (әдетте 1 минут) нақты қарудан атылуы мүмкін атыстың саны; қарудың қуаттылығын және атыстың нақтылығын анықтайтын негізгі тактикатехникалық сипатының бірі. Қарудың оқталатын бөлігі. ә с к. Артиллериялық қару-жарақ ұңғысының артқы бөлігі. Қаруды ұстау. #спорт. Нысана көздеу негізінде пистолет пен револьвердің құндағынан ұстау әдістері. Қару қолдану. ә с к. Тиісті жарлықтармен, ережелермен, нұсқаулармен санкцияланған, сондай-ақ командирлердің әмірімен әскери қызметкерлердің, әскери бөлімшелер мен бөлімдердің қару мен ұрыстық техниканы ұрыста қолдануы. Қару қылды. Қарсы тұрып күш көрсетті. Қару малы өзінде. Қайырған, қаруына қайтарған малы өз қолында деген мағынада. Қарумен ойнау. #спорт. Сайыс кезінде тұрған қалпы мен қимыл бірлігін өзгертіп, пәрменді шабуыл жасау сәтін не сирек болса да қарсыласының шабуылын тойтару үшін қарумен жасалатын қимылдар. Қаруы қайтпаған. Күші кемімеген, қайратты. Қаруы қайтты. Жауабы қайтты, есесі берілді. Қаруы қайтты. Есесі оралды. Қаруы қолынан түспеді. Үнемі жаугершілік заман кешті, ұрыста болды. Қаруын қандады. э т н. Жауын өлтірдi, қаруын жауына жұмсады.
|ҚАРУ деген #Қары етістігінің қимыл атауы. 2#омоним
|ҚАРУ #зат есім. #сын есім. Қарымта. Қаруын қайтарды. #сөйлеу. Қарымтасын қайтарды.
|ҚАРУ деген #Қары етістігінің қимыл атауы. 2#омоним
|ҚАРУ #зат есім. #сын есім. Қарымта. Қаруын қайтарды. #сөйлеу. Қарымтасын қайтарды.
Омонимдер мен түбірлес сөздер
ҚАРУ, ҚАРУ, ҚАРУ, ҚАРУ-ЖАРАҚ, ҚАРУ-ЖАРАҚСЫЗ, ҚАРУ-ЖАРАҚТАН, ҚАРУ-ЖАРАҚТАНУ, ҚАРУЛАН, ҚАРУЛАНДЫР, ҚАРУЛАНДЫРУ, ҚАРУЛАНУ, ҚАРУЛАС, ҚАРУЛАС, ҚАРУЛАСТЫР, ҚАРУЛАСТЫРУ, ҚАРУЛАСУ, ҚАРУЛЫ, ҚАРУЛЫ, ҚАРУЛЫҚ, ҚАРУЛЫЛЫҚ, ҚАРУЛЫРАҚ, ҚАРУ-САЙМАН, ҚАРУСЫЗ, ҚАРУСЫЗДАН, ҚАРУСЫЗДАНДЫР, ҚАРУСЫЗДАНДЫРУ, ҚАРУСЫЗДАНДЫРЫЛ, ҚАРУСЫЗДАНДЫРЫЛУ, ҚАРУСЫЗДАНУ,
© 2021. Wonder Words
Зияткерлік технологиялар институты