Түсіндірмелік сөздік

Қазақ тілінің түсіндірмелік сөздігі: ҚАЛТА

|ҚАЛТА 1#омоним #зат есім. 1. Киімнің омырауына т.б. жеріне қоса тігіліп, ұсақ-түйек зат салуға арналған бөлігі. 2. #жергілікті сөз. Кішкене дорба. 3. #анатомиялық. <лат. bursa> Кейбір сүтқоректілердің (кенгуру, т.б.) күшігін салып өсіретін мүшесі. 4. #анатомиялық. Кейбір дене мүшелерінің сыртқы қабы. 5. #анатомиялық. Қалталы саңырауқұлақтардың жыныстық көбеюінің нәтижесінде ішінде аскоспоралар жетілетін мүшесі; аска. 6. #ауыспалы мағына. Ақша, қаржы, байлық. 7. #ауыспалы мағына. Қалтарыс. Қалта ақтарар. #көнерген сөз. #этнографиялық. Күйеу алғаш келгенде, балдыздары мен қыз жеңгелерінің алатын ырымы. Қалтаға ақша түсті. Қалтасы қампиды, ақшалы болды. Қалтаға түсті. Біреудің қалтасынан зат ұрлады. Қалта орамал. #сөйлеу. Беторамал. Қалта сағат. Қалтаға салып жүруге ыңғайлы жасалған, ашпалыжаппалы, дөңгелекше келген баусыз сағат. Қалта споралары. #ботаникалық. Қалталы саңырау құлақтардың жыныстық көбеюінің нәтижесінде түзілген мүшесі қалтасының (аск) ішінде жетілетін споралар. Қалтасы жұқа. Ақшасы аз, қаржысы, қаражаты мардымсыз. Қалтасы жұқарды. Қаражаты азайды, ақшасы бітуге жақындады. Қалтасы көтереді. Ақшасы жетті, мүмкіндігі болды, жағдайы көтерді. Қалтасы көтермеді. Қаражаты жетпеді, жағдайы келмеді. Қалтасы қағылды. Ақшасыз қалды, ақшасы таусылды. Қалтасы қалың [ тоқ ]. Ақшасы көп, дүниемүлкі көп кісі туралы айтылады. Қалтасы қалыңдады. Ақшасы көбейді, байыды. Қалтасы құрғамады. Жанынан ақша үзілмеді. Қалтасына басты. Қалтасына салып, алып кетті. Қалтасына сенді. Байлығына, ақшасына сүйенді. Қалтасында көк [ соқыр, бір ] тиын жоқ. Түкте, дәнеңе, ештеңе, жоқ (ақшамен байланысты). Қалтасын қақты. Соңғы ақшасына дейін сыпырды, дым қалдырмады. Қалтасы қалың. Ақшасы көп, дүниемүлкі көп кісі туралы айтылады. Қалтасын қампитты. Ақша жинады. Қалтасы таяз. Қаражаты аз, ақшасы көп емес. Қалтасы тесік. Ақшаның бетіне қарамайтын, ақша құтаймайтын адам. Қалтасы тоқ. Ақшасы көп, бай. Қалта томпайту. Пайда табу, баю, ақшаны көп #табусөз. Қалтаға [ үйге ] түсті. Ұрлық жасады, ұрлады.
|ҚАЛТА 2#омоним: қалта қарады. #сөйлеу. Тырп етпеді, дыбыс шығармады.

Омонимдер мен түбірлес сөздер

ҚАЛТАҚ-ҚАЛТАҚ, ҚАЛТА-ҚАЛТА, ҚАЛТАҢ-ҚАЛТАҢ, БҰЛТАРЫС-ҚАЛТАРЫС, ҚАЛТА, ҚАЛТА, ҚАЛТАГҮЛ, ҚАЛТАҚ, ҚАЛТАҚ, ҚАЛТАҚ-ҚҰЛТАҚ, ҚАЛТА-ҚҰЛТА, ҚАЛТАҚТА, ҚАЛТАҚТАТ, ҚАЛТАҚТАУ, ҚАЛТАЛАҚ, ҚАЛТАЛАҚТА, ҚАЛТАЛАҚТАУ, ҚАЛТАЛАН, ҚАЛТАЛАНУ, ҚАЛТАЛАҢДА, ҚАЛТАЛАҢДАУ, ҚАЛТАЛАС, ҚАЛТАЛЫ, ҚАЛТАЛЫЛАР, ҚАЛТАЛЫЛАУ, ҚАЛТАЛЫҚ, ҚАЛТАМАН, ҚАЛТАҢ, ҚАЛТАҢДА, ҚАЛТАҢ-ҚҰЛТАҢ, ҚАЛТАҢ-ҚҰЛТАҢ, ҚАЛТАҢДАТ, ҚАЛТАҢДАТУ, ҚАЛТАР, ҚАЛТАР, ҚАЛТАРУ, ҚАЛТАРЫС, ҚАЛТАРЫС-БҰЛТАРЫС, ҚАЛТАРЫССЫЗ, ҚАЛТАРЫСТАУ, ҚАЛТАСЫЗ, ҚАЛТАШЫҚ, ҚАЛТАШЫЛ,