Қазақ тілінің түсіндірмелік сөздігі: ҚАЛАМ

Сөз: Қазақ тілі Орыс тілі Ағылшын тілі Іздеу

|ҚАЛАМ 1#омоним [ #араб тілі. ] #зат есім. Қаламұш орнатып, сиямен жазатын құрал. Қалам алды. кіт. Жазды, хат жолдады. Қалам қабақ. #поэтикалық. Көрікті қабақ. Қалам қайраткері. Жазушылық ісімен айналысушы, ақын-жазушы, журналист, аудармашы. Қалам [ қиғаш ] қас. а) Жіңішке, қиғаш қас. ә) Сұлу қыз мағынасында. Қалам мата. Арзан мата. Қалам тартты. Жазушылықпен айналысты, шығарма (өлең, әңгіме, повесть, роман т.б.) жазды. Қалам тербеді. Қағаз бетіне түсірді, жазды. Қаламы бас білдi. Жаза білдi, сауатты, шығарма жазды. Қаламы бас білетін. Жаза білетін, жазуға төселген, сауатты. Қаламы желді. Жазуға ебі бар, жазғыш. Қаламы жүйрік. Жазуға төселген, жазғыш. Қаламының желi бар. Қаламы төселген, қаламы қарымды, жазғыш. Қаламы өткір. Тілі өткір, тілі дәл, шыншыл. Қаламы өткірленді. Шығармашылығы шыңдала түсіп, еңбектері, туындылары жақсара түсті. Қаламы төселді. Жазу ісіне шеберленді, шебер жазатын болды.
|ҚАЛАМ 2#омоним #зат есім. #этнографиялық. Шаңырақ тесіктеріне кіргізіп қоятын уықтың төрт қырлы сүйір ұшы.