Қазақ тілінің түсіндірмелік сөздігі: ҚАЗАҚ

Сөз: Қазақ тілі Орыс тілі Ағылшын тілі Іздеу

|ҚАЗАҚ 1#омоним #зат есім. 1. Қазақстан Республикасының ежелден келе жатқан түркітілдес негізгі халқы, сол халықтың, елдің өкілі, ұлт. // Қазаққа тән, қазаққа қатысты. 2. #тарихи. көнерген сөз. Әміршісіне (ханға, бекке тағы басқа.) ренжіп не кінәлi болып, одан алшақтап шетке (өзге хандыққа, өзге жерге) шығып кеткен адам не адамдар тобы (ауыл, туыс, рулы ел). Қазақ арба. Жайдақ, үлкен арба. Қазақ азуы. #көнерген сөз. Қазақ тілi мағынасында. Қазақ ауыз әдебиетi. әдеб. Қазақ тіліндегi ауызша шығарылып, ауызша тараған көркемәдеби туындылардың жиынтық атауы. Қазақ ауылын кеңестендіру. #тарихи. советизм. Қазан төңкерісінен кейін қазақ ауылдарында жүргізілген саясиәлеуметтік шара. Қазақ әдебиеттану ғылымы. әдеб. Қазақтың ұлттық көркем әдебиетін зерттейтін ғылым. Қазақ әдебиетi. Қазақ халқының ықылым замандар бойы жасаған сөз өнерi, әдеби қазынасы. Қазақ әдеби тілi. #лингвистикалық. Көркем әдебиет пен бұқаралық ақпарат құралдарында, ғылым салалары мен iсқағаздарында қолданылатын жалпыхалықтық тілдің нормаға түскен нұсқасы. Қазақ әліпбиi [ алфавитi ]. #лингвистикалық. Жазуда қазақ тіліне тән дыбыстарды таңбалауға арналған әріптердің ретретімен тізілген жиынтығы. Қазақ балалар фольклоры. әдеб. Халықтың дәстүрлi бала тәрбиесінің негізінде туып қалыптасқан, мазмұны ғибратты, тілікөркем, жеңіл жатталатын, халық фольклорының арналы салаларының бірi. Қазақ баласы. Қазақ атаулы, барлық атаулы. Қазақ баспасөзi. Қазақ тілінде жазылып таратылатын мерзімдi және мерзімсіз басылымдардың жиынтық атауы. Қазақ биi. #өнертану. Бишінің қозғалысы мен дене қимылы арқылы көркем образды бейнелейтін ұлттың сахна өнерi. Қазақ [ қазақшылық ] ғұрпы. Қазақ халқының, салтдәстүрi, әдетғұрпы. Қазақ даласы. а) #поэтикалық. Қазақтардың атамекенi, киелi саналатын атабабасынан қалған жерi. ә) Қазақ халқы, жұрты. Қазақ даласында. Қазақ елінде, жерінде. Қазақ [ қазақтың ] даласындай. #бейнелі сөзқолданыс. а) Жазық, кең, жалпақ, тегіс деген мағынада. ә) ұшы-қиырсыз, байтақ, шетсізшексіз деген мағынада. Қазақ диаспорасы. Қазақстан Республикасынан шет аймақтарда тұратын қазақтар. Қазақ елі. Қазақ ұлты, қазақ жері, қазақ мемлекеті. Қазақ ертегілері. әдеб. Қазақ халқының ауыз әдебиетінің көне жанры, қазақ халқының ертегілері. Қазақ ерi. Қазақы ер. Қазақ ешкісi. #малшаруашылық. Ет, сүт өнімдерін, түбіттi мол беретін, ыстық пен суыққа төзімді, дене бітімі ірі ешкi тұқымдарының бірi. Қазақ жазуы. лингâ. Қазақ халқының мәдени өмірінде басқа да түркi халықтарымен бірге пайдаланып келген әртүрлi әріп таңбаларынан тұратын дыбыстық жазу жүйесi. Қазақ жерi. Қазақ халқының тұрғылықты мекенi, қонысы. Қазақ жолын бұзды. Қазақ халқының тұрмысында қалыптасқан ата дәстүрден ауытқыды. Қазақ жылқысы. #этнографиялық. Салт міну, жүк тасу, ет пен қымыз өндіру үшін өсірілетін жергіліктi тұқым. Қазақ күнтізбесi. #этнографиялық. Табиғат құбылыстарын бақылаудан туған, халықтың көпжылдық тәжірибелерi қорытылған жұлдызды аспан туралы астрономиялық түсініктер мен білімдер жинағы. Қазақ кілемi. #этнографиялық. Қойдың жүнін түрлітүсті етіп, бояп, иіріп оюөрнек салып, төрт бұрышты етіп тоқылған ұлттық үй жиһазы. Қазақ қайың сауғанда, қырғыз Ғиссар ауғанда. #тарихи. Ақтабан шұбырынды, алқакөл сұламада, ерте замандағы ел басына күн туған қиынқыстауда [ ХVІІ–XVІІІ ғасырлардағы жоңғар шапқыншлығы кезінде елінен, жерінен ауып, қуғын көріп ашыққан «Ақтабан шұбырынды, алқакөл сұлама» деген қасіреттi атпен енген нәубетте, қазақтар қайың қабығын сорған, қырғыздар тәжік тауларын паналап, Ғиссар қаласына қарай ауған ]. Қазақ қолөнерi. #этнографиялық. Қолданбалыбезендіру өнерінің дәстүрлi ұлттық саласы. Қазақ лақсасы. #өсімдік. <лат. eсhіnоps kаsаkоrum> Күрделігүлділер тұқымдасы, лақса туысына жататын көпжылдық өсімдік. Қазақ мектебi. Бiлім беру жүйесін қазақ тілінде оқытатын мектеп. Қазақ назары. Қазақ ұғымы, салты. Қазақ оюы. #этнографиялық.#қолөнер. Үй жиһаздарын, сәндік, тұрмыстық бұйымдар мен киімдердi нақыштап безендіруге қолданылатын өрнектер. Қазақ сахарасы. #бейнелі сөзқолданыс. Қазақ даласы, қазақтың кең байтақ жатқан жері. Қазақ түйесi. #түйе шаруашылық. Қосөркешті түйе ішінде қалмақ түйесінен кем түспейтін ірі тұқымы. Қазақтыңњ ақбас сиыры. #малшаруашылық. Сиырдың еттi тұқымы. Қазақтың арқармериносы. #ауылшаруашылық. Биязы жүндi қой тұқымы. Қазақтың дәстүрлi қаружарақтары. #этнографиялық. Қазақ халқын құраған рутайпалардың соғыс құралдары мен киімкешегi. Қазақтың қара домалақ баласы [ жігітi, ұлы, ерi ]. #экспрессивті. жағымды. Қарапайым қатардағы қазақтың бірi деген мағынадағы жақын тарту, жаны ашу, масаттану мәніндегi сөзқолданыс. Қазақтың қара шобыр ақыны. #поэтикалық. Өзін өзгеден биік көрсетпейтін қарапайым ақын. Қазақ тілi. #лингвистикалық. Түркi тілдерінің қыпшақ тобына жататын, қазақ халқының құрамына енген рутайпалар тілдерінің негізінде XІV–XV ғасырларда қалыптасып, біртұтас халықтық тілге айналған, бұл күнде туыстас түркі тілдерінің ішінде ең бай әрі дамыған ұлт тілдерінің бірі; өзінің кейбір жергілікті ерекшеліктеріне қарамастан тұтастығын толық сақтап қалғанжалпыхалықтық тіл, қазақ ұлтының жан-жақты дамыған ұлттық тілі; белгілі нормаға түскен, жазу дәстүріне ие, стильдік жүйесі қалыптасқан әдеби тіл; Қазақстан Республикасының мемлекеттік тілі. Қазақ халқының ұлттық киімдері. #этнографиялық. Шапан, камзол, бешпет, тақия, күпі, кимешек, жаулық, кебіс, мәсі, көйлек, ішік сияқты т.б. жүн, жібек матадан, киізден, аң терісінен тігілген қазақ халқының оюөрнегі, нақышы салынған киімдері. Қазақ ұлты. Тiлi, дінi ортақ қалыптасқан мәдениетi, мемлекеттілігi бар қазақ халқының әлеуметтік бірлестігi. Қазақ үй. #жергілікті сөз. Киіз үй. Қазақ халқы. Қазақстан жерінде ежелгi заманнан өмір сүріп келе жатқан тарихи халық. Қазақ шежіресi. #тарихи. Тарих ғылымында халқымыздың шығу тегін, таралуын баяндайтын тармағы. Қазақ шықты. #көнерген сөз. а) Іргелi ұлыстан бөлініп кеттi, көбінесе сюзереніне (әміршісіне) өкпелi, наразы болып бағынбай кетіп қалды, кінәлi болып, бас еркіндігін ойлап қашып кеттi. ә) Мал iздеп (айдап кету, саяқ жүрген малды иемдену, шабуыл жасап олжалау сияқты) шетке шығып кеттi.
|ҚАЗАҚ #зат есім. #өсімдік. Ылғалды жерлерде өсетін, биіктігі 30 смдей, ащы дәмді шөп.