Қазақ тілінің түсіндірмелік сөздігі: ҒЫЛЫМИ

Сөз: Қазақ тілі Орыс тілі Ағылшын тілі Іздеу

|ҒЫЛЫМИ [ #араб тілі. ] #сын есім. Ғылым жолымен дәлелденген, ғылыми қағидаға негізделген. Ғылыми атақ. Ғылымның белгілi бір саласындағы кәсіби біліміне сәйкес және ғылымипедагогтік қызметтегi жетістіктерi үшін берілетін атақ, ғалымдық лауазым. Ғылыми әдебиет. Белгілi бір ғылыми мәселелер мен тұжырымдарды талдап, түсіндіруге, дәлелдеп, дәйектеуге, ғылым мен білім саласын ұйымдастыруға арналған әдеби шығармалар. Ғылыми болжам. Тәжірибеде әзірге белгісіз құбылыстар туралы немесе келешекте белгілi бір оқиғалар мен құбылыстар туралы жасалатын ғылыми жорамал. Ғылыми дәйек. Белгілi бір ғылыми тұжырымды дәлелдейтін дерек. Ғылыми дәреже. Терең кәсіби білімi бар, белгілi бір ғылым саласында жетістіктерге қол жеткізген адамдарға ресми түрде берілетін дәреже. Ғылыми деректер. Ғылыми-зерттеу нәтижелерін дәйектейтін мәліметтер. Ғылыми және арнаулы кітапхана. Ғылым салалары мен белгілi бір ұйымдарға қызмет ететін кітапхана. Ғылыми жетекшi. Ғылыми-зерттеу, диссертациялық зерттеу жұмыстарына басшылық етушi. Ғылыми жоба. #педагогикалық. Орта білім беретін мектептің жоғары сынып оқушыларының негізгі пәндердің бірінен проблемалы тақырыпқа арнап немесе ғылыми жетістігін сипаттап жазған жұмысы. Ғылыми журналдар. Ғылыми зерттеулер мен жаңалықтарды насихаттап, жұртшылыққа таныстырып отыратын салалық не ғылыми-көпшілік мерзімдi басылымдар. Ғылыми жұмыс [ еңбек ]. Ғылым саласындағы белгілi бір проблемалы мәселелердi зерттеуге, қарастыруға бағытталған жұмыс. Ғылыми зерттеу. Нақты проблема, я тақырып бойынша жоспарлы түрде жүргізілетін iзденістер. Ғылыми зертхана. Ғылыми-техникалық тәжірибе жүргізілетін орын, мекен. Ғылыми кеңес. Жоғары оқу орны мен ғылыми-зерттеу мекемесінің ғылыми-зерттеу, оқутәрбие және әдістемелік жұмыстарының негізгi бағыттарын айқындап, белгілеп отыратын алқалық орган. Ғылыми қызметкер. Белгілi бір ғылыми-зерттеу мекемесінде жұмыс iстейтін, зерттеу жүргізушi маман. Ғылыми мақала. Деректер мен мәліметтер талданып, ғылыми мәселелер төңірегінде ой қорытылған мақала. Ғылыми медицина. Ғылыми тәжірибеге, ғылыми-зерттеу жұмыстарының нәтижелеріне негізделген, халықтық медицинаға қарама-қайшы медицина саласы. Ғылыми мектеп. Жинақталған білімдердің таныпбілінуi мен берілу үдерістерінің бірлігін жүзеге асыратын, кооперацияланған ғылыми қызметтің ұйымдастырылуының әдісi мен нысаны. Ғылыми менеджмент. #экономикалық. Сандық көрсеткіштердi пайдалана отырып алынған және егжейтегжейлi талданған, шынайы, нақты безбенделген деректер негізінде бизнесшешімдер қабылдау. Ғылыми социализм. #советизм. Капитализмді құлатып, оның орнын басатын осындай қоғам орнату туралы ілім. Ғылыми стансы. Арнайы тағайындалған ғылыми-зерттеу мекемелерінің, кәсіпорындарының бір бөлімi, аты. Ғылыми стиль. Ақпараттардың ғылыми нақтылығымен және логикалық дәлдігімен, жүйелілігімен, ғылыми терминдердің қолданысымен ерекшеленетін әдеби тілдің функционалды стиль дерінің бір түрi. Ғылыми таным. Танымның ең жоғарғы пішінi, рационалдық сипатының басымдылығымен ерекшеленетін күрделi құбылыс. Ғылыми тәжірибе. Зерттеу нәтижелерi мен тұжырымдарына негіз болатын iсәрекет. Ғылыми тәсіл. Бiр iстің тәжірибе тұрғысында жүзеге асуының, я теориялық зерттелуінің ғылымға негізделген әдісi. Ғылыми теория. Ғылым жүзінде дәлелденген, қалыптасқан, зерттеу жұмыстарына әдіснамалық дәйек, негіз болатын тұжырымдар жүйесi. Ғылыми ұғым. #философиялық. Заттар мен құбылыстардың мәнді және қажетті қасиеттерін белгілейтін сөз бен таңбалар. Ғылыми фантастика. әдеб. Көркем әдебиетте, кинода, кескіндемеде тағы басқа. өнер салаларында ғылым мен техниканы қиял-ғажайып негізде дәріптейтін жанр. Ғылыми философия. Философияның ғылымды адам iсәрекетінің ерекше аясы әрi ұдайы дамудағы таным жүйесi ретінде қарастыратын бір саласы. Ғылыми хатшы. Белгілі бір ұйымның не ғылыми мекеменің күнделікті жазба жұмыстарын жүргізіп отыратын жауапты қызметкер. Ғылыми шығармашылық. Ғылыми iзденіс, жаңа нәтижелерге қол жеткізу жолындағы тынымсыз еңбек.