Қазақ тілінің түсіндірмелік сөздігі: ШАТЫР

Сөз: Қазақ тілі Орыс тілі Ағылшын тілі Іздеу

|ШАТЫР 1#омоним #зат есім. 1. Үйдің жауын өтпес үшін арнайы жасалған атжалданып келген қосымша төбесі. Шатыр жапты. Үйдің төбесін шатырлады, шатыр салды.
|ШАТЫР 2#омоним #зат есім. 1. Мықты матадан, брезенттен жасалған, төрт бұрышын керіп тігетін жеңіл баспана; палатка. 2. Сая қылатын күрке, баспана. 3. #әскери сөз. Далалық жағдайларда жеке құрамды, әскери техниканы, медициналық мекемелерді, шеберханаларды және қоймаларды орналастыруға арналған жиналмалы құрылыс. 4. #ауыспалы мағына. Отау. Шатыр байғазы. #этнографиялық. күйеу жігіттің шатыр орнатқан келіншектерге беретін сыйлық кәдесі.
|ШАТЫР 3#омоним #зат есім. 1. Жауыншашыннан, қардан, күннің көзінен қорғану үшін жасалып, қолға ұстап жүретін бұйым; қолшатыр. 2. #ауыспалы мағына. Пана, қорған.
|ШАТЫР 4#омоним #еліктеуіш сөз. Кенеттен, ойламаған жерден шатырлап шыққан қатты дыбысты бейнелейтін сөз. Шатыр етті. Шатырлады, сатырлады.