Қазақ тілінің түсіндірмелік сөздігі: ХАЛЫҚ

Сөз: Қазақ тілі Орыс тілі Ағылшын тілі Іздеу

|ХАЛЫҚ [ #араб тілі. ] #зат есім. 1. Белгілі бір елді, мемлекетті мекендейтін адамдардың жалпы жиыны. 2. Ел-жұрт, бұқара, көпшілік. 3. #саяси. -әлеум. Мемлекеттің, елдің тұрғындары, тарих субъектісі, белгілі бір қоғамның тарихи тағдыры ортақ таптарының, ұлттарының, әлеуметтік топтарының жиынтығы. 4. Тілдікмәдени мағынада этнос ұғымымен бір. Халық айтса, қате айтпайды. Халық айтса, қалпы айтпайды (жұрт, көпшілік қателеспейді, дәл, турасын, шындықты айтады). Халық артисi. Әртістік өнер саласында жоғары шеберлікке қол жеткізген адамға мемлекет тарапынан берілетін ресми жоғары атақ. Халық әдебиетi. әдеб. Ауыз әдебиетi. Халық әнi. #музыкалық. Авторы белгісіз халық шығармасының туындысы ретінде вокалдық музыканың жанры. Халық бұқарасы. Қарапайым халық, қалың көпшілік, ел. Халық [ ұлт ] достығы. Бiр мемлекетте тұрып жатқан ұлттар мен ұлыстар, халықтар арасындағы сенімге, ынтымаққа негізделген қарымқатынасы. Халық жасағы. #әскери сөз. Жұмылдыру кезінде армия қатарына шақыруға жатпайтын адамдардан құралған жасақ, бөлімше, бөлім және құрамалар түріндегі еріктілердің уақытша әскери құрамалары. Халық жасақшылары. сов. Қоғамдық тәртіпті бұзушылармен күресуші ерікті ұйымның мүшелері. Халық жауы. #саяси. XX ғасырдың отызыншы жылдары кеңестік өктемдік, үстемдік замандағы бірсыпыра адамдарға таңылған жалған саяси жала, ауыр айып. Халық жыры. Ел аузында сақталған жыр. Халық комиссары. #тарихи. советизм. КСРО-да министрліктер құралғанға дейін Халық комиссариаттарын басқарған үкімет мүшелері. Халық қалаулысы. а) Халықтың ұнатып, қолдаған адамы. ә) публ. Халық атынан сайланған депутат. Халық [ ел ] қамын ойлады. Ел мүддесін ойлады, ел қамын жеді. Халық педагогикасы. Ғасырлар бойы атадан балаға мирас болып келе жатқан тәрбие үлгісі. Халық поэзиясы. Халыққа тән, халықтың игілігі болып саналатын әдеби шығарма. Халық прозасы. Қара сөзбен ауызша айтылған байырғы ертегі, аңыз әңгімелер т.б. тәрізді шығарма. Халық салымдарының орналастырылуы. #экономикалық. Халық салымдарының түрлі банктерге, компанияларға, қорларға, қаржы ұйымдарына, акционерлік қоғамдарға орналастырылуы. Халық санағы. #саяси. әлеум. Белгілі бір уақыт шеңберінде бүкіл елдің халқының немесе оның бір бөлігінің демографиялық, экономикалық, әлеуметтік сипаттағы ақпаратын жинау, өңдеу, жариялау, тарату мақсатындағы жалпымемлекеттік статистикалық шаралар. Халық санағының уақыты. Халық санағы өткізілетін күнтізбек жылының маусымы, адамдардың қозғалысы анағұрлым аз болатын мерзім. Халықтар Достығы ордені. #тарихи. советизм. Халықтар арасындағы ынтымақ үшін күресушілер мен социалистік қоғамды дамытудағы қосқан үлесі үшін жеке адамдарға және ұйым, мекемелерге берілетін жоғары награда. Халық театры. Көркемөнерпаздардан құралған ойын-сауық ұжымы. Халық тұрмысы деңгейінің статистикасы. Халықтың материалдық және рухани қажеттіліктерінің қанағаттандырылуы мәселелерін зерттейтін статистика саласы. Халықтың адамы болды. Көпшіліктің қалаулы кісісі, ел қамын жеген ер болып өсті. Халықтың әлауқаты. #экономикалық. әлеум. Халықтың әлеуметтікэкономикалық және тұрмыс жағдайының қажеттерін қанағаттандырудың сипаттамасы. Халықтың әлеуметтік қорғалуы. #экономикалық. Заңмен (экономикалық, құқықтық, әлеуметтік) тиянақталған, инфляция, жұмыссыздық, кедейлік сияқты тұрақсыздандырушы факторларға қарсы әрекет ететін кепілдіктер жүйесі. Халықтың денсаулығы. #экологиялық. Адамдар қауымдастығының негізгі қасиеті, оның табиғи жайкүйі [ Адамдар қоғамының әрбір мүшесінің жекелей бейімделгіш реакциясын және бүкіл қауымдастықтың нақты бір аймақтың белгілі бір жағдайларында өздерінің әлеуметтік және биологиялық функцияларын неғұрлым пәрменді атқаруға қабілеттілігін көрсетеді ]. Халықтың [ елдің ] қамын жеді. Ел мұңын жоқтады, ел мүддесін ойлады. Халықтың орналасу тығыздығы. #физикалық. географиялық. Белгілі бір территорияның 1 шаршы шақырымына келетін адам саны. Халықтың өмірлік әлеуеті. #экологиялық. Жасқа қатысты өлімжітімнің белгілі бір деңгейі сақталған жағдайға орайлас есептелетін белгілі бір жастағы адамдар тобының алдағы өмір сүретін жылдарының саны [ Өмірлік әлеует адамжылмен есептеледі. Бұл көрсеткіш әлеуеттік демография деп аталған демография саласына қатысты ]. Халықтың өмірлік қарекеті. #экологиялық. Адамның бүкіл ғұмыры бойында өзінің биологиялық және әлеуметтік рөлін жүзеге асыру процесінде үнемі атқаратын ісәрекеті. Халықтың табысы. #экономикалық. Жеке қажеттерді қанағаттандыру үшін халыққа ақшалай нысанда түсетін қаражат [ Оның құралуының негізгі көздері: қосалқы шаруашылықты қосқанда табыстың барлық түрлері, зейнетақы, жәрдемақы, стипендия, салымдар бойынша пайыздар, сақтандыру өтемдері және басқа түсімдер түріндегі төлемдер ]. Хақтың ісі. Құдайдың ісі, тағдыр, жазмыш. Халық тілі. #лингвистикалық. Белгілі бір тарихи дәуірде қалыптасқан халықтың тілі, қарым-қатынас құралы. Халық үстіндегі адам. Басқаның еңбегімен күн көретін адам. Халық шаруашылығы. Халықтың қоғамдық құрылыстағы өндіріс, кәсіпорындарының жүйесі.