Қазақ тілінің түсіндірмелік сөздігі: СӘН

Сөз: Қазақ тілі Орыс тілі Ағылшын тілі Іздеу

|СӘН #зат есім. 1. Әдемі, жарасымды өң беріп, жайнатып жіберетін көрік, ұнасым, келісім, жарасым. 2. Қоғамдық ортада белгілі бір кезеңдегі әдеміліктің көрінісі ретінде қалыптасқан дағды мен талғамның жиынтығы. 3. Әдемілік, көркемдік, сәулеттілік. 4. #өнертану. <франц. mоde> Киімге, үй жасауына және тағы басқа. қатысты белгілі бір ортада, белгілі бір уақыт кезеңінде қайсыбір талғамның үстем болуы. 5. #ауыспалы мағына. Биік мән, зор мағына, ерекше қадірқасиет. 6. #ауыспалы мағына. Жай таптырар көңіл хошы, рақат. 7. #ауыспалы мағына. #жағымсыз. Сиқы, тұрқы. Сән апталығы. Әртүрлі кезеңдерде үстем болатын сән үлгілерінің көрмесі, киім дизайнерлерінің дайындаған киім жиынтығының көрсетілімі өтетін мәдени шара. Сән әлемі. Сәнді киім үлгілерін дайындау, әр кезеңге сәйкес сәнді киіну талғамын қалыптастыру индустриясы. Сән бердi. Ажарландырды, көркейттi. Әдемілік сыйлады. Сән берді. Көркін кіргізді, өң берді. Сәнге айналды. а) жағымды. Киінудің озық талғамына, үлгісіне айналды. ә) #жағымсыз. Белең алды, етек жайды. Сән кетті. Базарынан айырылды, қызығы тайды. Сән көрді. Жарасымды деп санады. Сән көрсетілімі. Сәнді киім үлгілерін жарнамалап, әрбір үлгіні киінген көрсетушілерді жиналған жұрт алдында сахнаға арнайы шығару арқылы тамашалау үшін ұйымдастырылған ша ра. Сән кірді. а) Ажарланды, сұлулана түсті. ә) Өңі қалпына келіп, көркейе түсті. б) Өмі рінің мәні зорайды, көңілі жайланды, қызығы көбейді. в) Мәні артты, мазмұны тереңдеді, мағынасы молайды. Сән қуды. Әсіреәсемдіктің, жылтырап көрінудің соңына түсті. Сән құрды. а) Салтанат құрды, сәулетімен асқақтады. ә) Бой түзеді, сән денді. Сән мүсін. Сұлу мүсін, құлын мүсін (сұлу қыздың жинақы, тал шыбықтай дене тұрқы). Сән өнері. а) #өнертану. <ағыл. deсоrаtіve аrt, #француз тілі. аrt deсоrаtіve, #неміс тілі. Deсоrаtіve Кunst> Өмірдің барлық салаларына көркемдік ұйымдастыру енгізетін, ғимараттарды безендіру және тағы басқа. сәулет өнеріндегі жұмыстармен байланысты монументтіксәндік өнерге де қатысты практикалық мақсаттарға қызмет ететін өнер түрлерінің жиынтық атауы. ә) Киімге қатысты белгілі бір ортада, белгілі бір уақыт кезеңінде үстем талғамдарды қалыптастыру, осы талғамға сәйкес киім үлгілерін дайындау өнері, шеберлігі. Сән салпыншақ. #қолөнер. Әшекейлі белдіктің қосалқы бөлшектері. Сән тұрман. Жасанғандағы киімкешегі, салтанаттарда ұстайтын әшекейлі ат әбзелдері. Сән түзеді. Бой көтерді, көркейді. Сән үйі. Киімнің жаңа заманғы талғамға сай әсем үлгілерін дайындайтын, жарнамалап сататын саудакөрме орны. Сәні болмады [ кетті ]. Қызығы қалмады, берекесі қашты. Сәні келді. Салтанаты көрінді, сәулеті кірді. Сәні қалды. Ажары тайды, көркінен түк қалмады. Сәнi қашты. Берекесi кеттi, салтанаты бұзылды. Сәнін бұзу. Келістіліктi бүлдіру. Сәнін келтірді. Өң берді, мән берді, көріктендірді.