Қазақ тілінің түсіндірмелік сөздігі: СЫР

Сөз: Қазақ тілі Орыс тілі Ағылшын тілі Іздеу

|СЫР 1#омоним [ #араб тілі. ] #зат есім. 1. Әркімнің өзіне тән, басқа адамға белгісіз құпия ойы, жасырын пікірі. 2. Істің мәнжайы, жайжапсары. Сыр айтты. Құпиясын ашты, сырласты. Сыр ақтарды. Шынын айтты, көңілдегісін білдірдi. Сыр алды. Шындығын білдi, құпиясын білдi. Сыр алдырды. Бар ойын білдіріп алды, сырын ашып қойды. Сыр алысты. Сырласты, жақын тартты, сыр тартты, пікірлесті. Сыр ашты. а) Көңілдегі құпиясын ақтарды, білдірді. ә) Қанықты, төсінді. Сыр ашу. а) Көңілдегi сырын ақтару. ә) Құпиясын табу, сырын анықтау. Сыр бермедi. Сыр алдырмады, iшкi сырын білдірмедi, сездірмедi. Сыр бермеу. Сыр алдырмау, iшкi сырын білдірмеу, сездірмеу. Сыр бөлісті. Сырларын айтысып, мауық басысты. Сыр бүкті - Ішкі құпиясын жасырды, жария етпеді. Сыр білдірмеді. Сыр бермеді, ештеңесін сыртқа жария етпеді. Сырға берік. Сырын сыртқа шашпайтын, сабаз, орынсыз әңгіме айтпайтын. Сырға жаңа барды. Енді түсінді, мәнжайды енді ұқты. Сырға толы. Сырсипаты, құпиясы көп. Сырдан сыңар аяқ өткен. Айлакер, амалы көп, қу, алаяқ. Сырды бұзды. Құпиясын жариялады, сырын ашты. Сырдың құба талындай. Жіп-жіңішке, нәпнәзік. Сыр жалағаш. #сөйлеу. Үстінде түгі жоқ, лыпасыз. Сыр жарды. Айтып қойды, сыр ашты. Сыр жасырмады. Ішіндегісінің бәрін айтты. Сыр жоқ. Құпия жоқ, бүкпесіз, адал. Сыр қақпағы. #поэтикалық. Жасырынған ішкі ой, іштегі құпия. Сыр қалмады. Құпиясы жоқ. Сыр қылды. Өсектеді, әңгіме етті. Сыр сақтады. Құпияны ешкімге жария қылмай жасырды. Сыр сандығы. Әркімнің өзіне ғана мәлім құпия ой, пікір жиынтығы. Сыр тапты. Мәнжайын ашты, құпиясын білді. Сыр тартты. Құпия пікірін, жасырын ойын білу үшін сыңайын байқады. Сыр ұқтыра алмады. Түк түсіндіре алмады, дегенін істей алмады. Сыр ұқтырды. Сырын ашты, құпиясын айтты. Сыр шашпады. Құпия сақтады, ешкімге айтпады. Сыр шертті. Көңіл құпиясын айтты. Сыр [ әңгіме, мұңын ] шертті. Сырын айтты, әңгімеледі, баяндады. Сыр шерткізді. Сырын айтқызды, баяндатты. Сыры ашылды. Жасырын ойы, құпиясы белгілi болды. Сыры бар. Құпиясы бар, мәнжайы басқаша. Сыры жайылды. Мәнжайға елдің бәрі қанық болды, құпия ел аузында жүрді. Сыры кетті. Сыры түсті, ескірді. Сыры көшкен сырлы аяқтың сынындай. Кәрілікке бет алған кісінің сырт келбеті, бетпішіні туралы. Сырына жетті. Қанық болды, түсінді, білді. Сырына қанық. Мәнжайдан, бір нәрседен толық хабардар. Сырын білдi. а) Қандай да нәрсенің түпкi себебін, iшкi астарын түсіндi, ұқты. ә) Мiнезіне, әдетқылықтарына қанықты, бойы үйрендi, тіл табысты, ыңғайын байқады, сырын алды. Сырын білдірді. Құпиясын ашты, айтты. Сырын білу. Өзгеге айтылмайтын ойлары мен сырларынан хабардар болу. Сырын сарықты. Ішкі құпия, пікірін түгел айтып берді. Сырдың суы сирағынан келмейді. Еш нәрсені елең қылмады, қаперіне кіріп шықпады.
|СЫР 2#омоним #зат есім. #сөйлеу. Сүтсірне.
|СЫР 3#омоним #зат есім. құры л. Темір, ағаш т.б. нәрселерге ерекше түс, рең беру үшін жағылатын құрылыс материалы; бояқ. Сыры кетті. Сыры түсті, ескірді.
|СЫР 4#омоним: сыр жалаңаш. Тыр жалаңаш, тұттай.
|СЫР 5#омоним: сыр жүгірді. Зыр жүгірді, зырылдады.