Қазақ тілінің түсіндірмелік сөздігі: МІНЕЗ

Сөз: Қазақ тілі Орыс тілі Ағылшын тілі Іздеу

|МІНЕЗ #зат есім. Әр адамның өзіндік әрекетінен, тәртібінен байқалатын психикалық және рухани қасиеттерінің жиынтығы. Мінез бітістері. #педагогикалық. Өмір барысында біртіндеп қалыптасатын мінез ерекшеліктері. Мiнезге ауыр. Ашылып сөйлей қоймайтын, адаммен жұғысуы қиын, тұйық мінездi. Мінезге бай. Салмақты, жоқтан өзгеге күйгелектенбейтін. Мiнездің ауырлығы. Салмақтылық, мінез ұстамдылығы. Мінез көрсетті [ шығарды ]. Оқыс қылық, ашу шақырды, жағымсыз әрекет жасады. Мінез таластырмады. Ерегіспеді, ерегіс тірмеді. Мінез танытты. Күтпеген мінез көрсетті. Мінезі ауыр. Мінезі салмақты, байыпты, адамға бірден ашыла қоймайтын. Мінезі жайсыз. Мінезі ауыр, нашар. Мінезі жақты. Жүрістұрысы, қылығы ұнады. Мінезі жеңіл. Ұшқалақ, шошақай, жеңілтек. Мінезі жібектей. Мінезі көркем, сыпайы. Мінезі қатал. а) Біреуге қатаң талап қойғыш. ә) Мейірімсіз, қатыгез. Мінезі қызық [ екен ]. Мінезі құбылмалы, тез өзгеретін. Мінезі майдай. Мінезі жайлы. Мінезі текті. Әдепті, ізетті, көргенді, биязы деген мағынада. Мінезі түйеден түскендей. Бір нәрсені төтесінен қойып қалатын, тұрпайы, дөрекі. Мінезі шатақ. Ашушаң, шатаққой.