Қазақ тілінің түсіндірмелік сөздігі: КӨШПЕЛІ

|КӨШПЕЛІ #сын есім. Көшіп жүріп тіршілік ететін, отырықшы емес. Көшпелі автошеберхана. Жер жырту, егін ору науқаны кезінде комбайн және басқа да машиналарды жөндеуге пайдаланылатын арнайы автомәшине. Көшпелі атыс. #әскери сөз. Бір немесе бірнеше зеңбіректен бірінен соң бірі, барынша жоғары қарқынмен, атыс режімін бұзбай және көздеу дәлдігіне нұқсан келтірмей жүргізілетін атыс. Көшпелі ауыл мектептері. Көшпелі және жартылай көшпелі ауыл жағдайында елмен бірге көшіп жүріп бала оқытатын мектеп түрі. Көшпелі батарея. #әскери сөз. Қорғаныста артиллерияның құрамы, орналасқан орны мен қорғаныстағы атыс жүйесі жөнінде қарсыласты шатастыру мақсатында алдын ала белгіленген бірнеше атыс позициясынан атыс жүргізетін артиллериялық бөлімше (жеке зеңбірек). Көшпелі зеңбірек. #әскери сөз. Артиллерияның қорғаныстағы құрамы, орны, атыс жүйесі туралы қарсыласты жаңылдыру мақсатында бірнеше атыс позицияларынан біртіндеп атуға арналған жеке зеңбірек (немесе артиллериялық бөлімше). Көшпелі ел. Малының жағдайын жасап, көшіпқонып жүретін ел-жұрт. Көшпелі кино. Тұрақты кино қондырғылары жоқ жерлерде фильм көрсетуге арналған шағын қондырғы. Көшпелілер психологиясы. психол. Көшіп жүріп тіршілік ететін халықтардың психологиялық ерекшеліктерінің жиынтығы. Көшпелі салондүкен. Ел аралап сауда жасайтын және тапсырыстар қабылдайтын автодүкеннің бір түрі. Көшпелі сюжет. әдеб. Ауыз әдебиетінде бір елден екінші елге, бір әдебиеттен екінші әдебиетке ауысып жүретін, ортақ оқиғалық желі. Көшпелі #театртану. Елді мекендерді аралап, спектакль көрсететін театр [ Ол профессионалдық ойын-сауық орнының ерекше түрі ретінде 19 ғда Европа мен Американың көптеген елдерінде пайда болды ]. Көшпелі үй. Шопан, малшы қауымының жазы-қысы көшіпқонып жүруіне қолайлы, бір орыннан екінші орынға ауыстырып отыруға болатын құранды үйі. Көшпелі электр стансысы. Конструкциясы кез келген қашықтыққа жеткізуге мүмкіндік беретіндей болып жасалған электр стансысы.

Омонимдер мен түбірлес сөздер




© 2021. Wonder Words
Зияткерлік технологиялар институты