Қазақ тілінің түсіндірмелік сөздігі: КҮЙЕУ

Сөз: Қазақ тілі Орыс тілі Ағылшын тілі Іздеу

|КҮЙЕУ #зат есім. 1. Әйелдің ері, жұбайы. 2. #этнографиялық. Қызды айттырған және алған жігіттің қыз еліне туыстық қатысы. Күйеуге тиді [ шықты ]. Тұрмыс құрды, ерге шықты. Күйеуге қашты. #этнографиялық. Қыздың атаанасынан рұқсат алмай, өз еркімен күйеуге шығып кетуi. Күйеуге шыққыш. Күйеуге тез тиетін, тұрмыс құруға бейім. Күйеудің атқосшысы. #сөйлеу. Күйеу жолдас. Күйеу жолы. #этнографиялық. Қайындап барған күйеудің киім кию үлгісі, қалыңдық аулында ұстанар ізет. Күйеу жүз жылдық, құда мың жылдық. #этнографиялық. Бұл жерде күйеу көп болғанда жүз жасайды, ал сүйек шатыс жекжаттық ұрпақтанұрпаққа кетеді деген мағынада. Күйеу келтіру. #этнографиялық. Той жасап, қызды ұзату. Күйеу түсті. #этнографиялық. Күйеу жолжосығын жасап, қыздың үйіне келді.