Қазақ тілінің түсіндірмелік сөздігі: ЖЫН

Сөз: Қазақ тілі Орыс тілі Ағылшын тілі Іздеу

|ЖЫН 1#омоним [ ир. ] #зат есім. #мифологиялық.#діни. 1. Жайшылақта көзге түспейтін, әртүрлі кейіпте көріне алатын, бақсы, балгер, көріпкел, тәуіптерге жаратылыстан тыс дүниеден хабар жеткізіп тұратын, адамдарды азғындық жолға түсіретін теріс рух. 2. #ауыспалы мағына. Қырсық, кесір. Жын буды. Ашуға булықты, долданды. Жын иектеу. #жергілікті сөз. Құтырыну, қағыну. Жын қақты [ соқты, ұрды ]. а) Ақылынан алжасты, шатысты. ә) Құтырды, қағынды. Жын қуалады. Жастықтың әсерімен қайда болса, сонда жүрді. Жын қуғандай. Асып-сасып, қатты жүгіріп. Жын қуды. Жын айналдырды, жын соқты. Жын [ пері ] шалды. Жын соқты, сайтан ұрды. Жынына [ қытығына ] тиді. Ашуын келтірді, ызаландырды. Жынын келтірді. Ызаландырды, ашуландырды. Жынын қақты. Бетін қайтарды, мойынсындырды, жуасытты. Жынын қоздырды. Жынына тиді, ашуын, ызасын келтірді. Жынын шақырды. Жынданды, құтырды, елірді. Жынынан айырылған бақсыдай. Сең соққандай, мең-зең. Жыны буған бақсыдай. Аласұрып, құтырып. Жынның ойнағындай. Астаң-кестең. Жын соққан кісідей. Басы айналып, есінен айырылғандай. Жын [ пері, аруақ ] соқты. Есі ауысты, жынданды. Жын ұрғандай қылды. Ойрантопанын шығарды, астаң-кестең қылды. Жыны басылды. Жуасыды, жөнге келді. Жыны келді. Ыза болды, ашу қысты. Жыны қозды [ ұстады, келді ]. Ашуға мінді, ызаланды, долданды. Жыны түсу. #жергілікті сөз. Жыны келу.
|ЖЫН 2#омоним #зат есім. Жанжануарлардың асқазанындағы қорытылып бітпеген тамағы. Жынын құсты [ шашты ]. Не болса соны айтты, аузына келгенін сөйлейді.