Қазақ тілінің түсіндірмелік сөздігі: ЖАЯУ

Сөз: Қазақ тілі Орыс тілі Ағылшын тілі Іздеу

|ЖАЯУ #сын есім. Көліксіз, астында мінген көлігі жоқ. // Жаяу жүрген адам, көлігі жоқ кісі. Жаяу аударыспақ. #ойын. жергілікті сөз. Бірін-бірі арқасына мінгізіп алып тартысатын балалар ойыны. Жаяу әнші [ жыршы ]. Жай, қатардағы әнші. Жаяу әскер [ солдат ]. #әскери сөз. Қарулы күштердің жылдың барлық маусымы мен тәуліктің барлық уақытында, әртүрлі ауа райы мен жер бедері жағдайында тірескен, ұзақ ұрыс жүргізуге қабілетті көліксіз, жаяу қимыл жасайтын негізгі бөлімі. Жаяу әскер бөлімшелері. #әскери сөз. Жаяу әскерлері, жаяу әскер батальондары, роталар, взводтар мен бөлімшелер сияқты негізгі әскер бөлімшелері. Жаяу әскерге қарсы бөгеттер. #әскери сөз. Жаяу әскерлерге қарсы қойылатын немесе құрылатын жасанды бөгеттер. Жаяу базар. Ұсақ-түйек заттар сатылатын базар. Жаяу бәйге. Жаяулардың жарысы, жаяужарыс. Жаяу боран. Жаңа түскен үлпек қарды жер бетінен не қатқан қар үстінен үрген еспе боран. Жаяу борасын. Жаяу бораннан гөрі бәсең, желдің қар түйіршіктерін қар жамылғысының бетінен суыра соғатын сырғыма боран. Жаяу борасындатты. Желдің жауған қарды жерге сырғыта соғу, борауы. Жаяу бұрқасын. Желдің қар жамылғысының беткі қабатын адам бойындай биіктікке көтеріп бұрқырата соғатын онша қатты емес, бәсең боран. Жаяуға салмады. #жергілікті сөз. Жаяу қалдырмады. Жаяу жанжал. Жеңіл-желпі ұрыс-керіс. Жаяу жарыс. Жиынтойдағы жаяу бәйге. Жаяу жатып, атты түсіп қарағандай. Соншалықты әдемі, әсем, көз тартарлықтай. Жаяу жүрді. Көліксіз жүрді. Жаяу жүріс. Жаяу жету, жаяу-жалпы қозғалу. Жаяу қабан. #жергілікті сөз. Шошақ (шөп). Жаяу қалжың. Жеңіл-желпі, зілсіз әзіл. Жаяу қатынады. Көліксіз барыпкелді. Жаяу өсек. Ауыздан-ауызға өтетін өсек сөз, пыш-пыш әңгіме, күңкіл-сүңкіл, біреудің сыртынан айтылған ғайбат. Жаяу өткел. Бір жерден екінші бір жерге өтуге арналған арнаулы орын; бір ғимаратты екінші ғимаратпен жалғастыратын коридор немесе галерея. Жаяу салды. Иесін жаяу (көліксіз) қалдырды. Жаяу сауда. Заттарды көтерме бағамен көптеп алып, даналап үстінен азын-аулақ баға қосып сататын жеңіл, онша көлемді емес сауда. Жаяу тұман. метеоро л. Түнгі мезгілде жер бетінің суынуынан пайда болатын радиациялы тұман.