Қазақ тілінің түсіндірмелік сөздігі: ЖАНАРТАУ

Сөз: Қазақ тілі Орыс тілі Ағылшын тілі Іздеу

|ЖАНАРТАУ #зат есім. 1. #географиялық. <лат. vulсаnus> Жер қабатының тереңдегі жарылымдары мен жарықтарынан жер бетіне шығатын балқыған тау жыныстары мен ыстық газдардың геологиялық құрамалары. 2. #поэтикалық. Жалынды жан, өр тұлға. 3. #ауыспалы мағына. #поэтикалық. Тынымсыз, дамыл тапқызбайтын іштегі күш, мазасыз ізденіске итеретін шабыт. Жанартау агломераты. #геологиялық. Құрамында айтарлықтай бөгде қоспасы жоқ, өлшемі бойынша іріктелмеген қопсық және сумен өңделмеген ірі пирокласт материалдың ретсіз жиынтығы. Жанартау аппараты. #геологиялық. Жер қойнауларында қалыптасқан түпкі немесе қосалқы магма ошағы мен жер бетін жалғастыратын, жанартау әрекеті кезінде магма ағымының тік бағытта лықси көтерілуін қамтамасыз ететін жарықтар жүйесі. Жанартау арнасы. #геологиялық. Жанартау ошағын жер бетімен жалғастыратын тік немесе еңіс арна. Жанартау атқылауы. #географиялық. Өте қатты ыстық кесектердің, сұйық лавалардың жер бетінен көрініс беру үдерісі. Жанартау атпалары. #географиялық. Жанартау атқылауы кезінде сұйық не илемді күйде алып шығып, домалақ, ұршық пішіндес қатайып суынған жанартау бөлшектері. Жанартау әрекетінің фазалары. #геологиялық. Аз-кем толастағаннан кейін қайтадан басталып отыратын жанартау әрекеттерінің өзіндік сипаты тұрғысынан бір-бірінен анық ерекшеленген басты-басты сатылары. Жанартау газдары. #геологиялық. Жанартаулар әрекеті кезінде бөлініп шығатын газдардың жалпылама атауы. Жанартау конусы. #геологиялық. Жанартау көмейі төңірегінде сол жанартау өнімдері есебінен қалыптасатын қиық конус пішіндес құрылым. Жанартау күмбезі. #геологиялық. Жақтаулары біршама тік құлама биіктігі бірнеше метрден 700800 мге шейін жететін, жанартау көмейінен сығыла көтерілген өте тұтқыр лавалар есебінен қалыптасқан мұнара пішіндес экструзиялық дене. Жанартау қайнары. #геологиялық. Жанартау әрекеті болған орын екендігі әртүрлі геологиялық түзілімдер және құрылымдық пішіндер болмысымен қалтқысыз дәлелденетін жер бетінің нақтылы нүктесі. Жанартау қождары. гегор. Жартаудың қопарлысы кезінде аспанға атылып, әуе қабатында қатайып үлгеретін кезекті лава қалдықтары. Жанартау ошағы. г е ол. Жанартауы магмамен ұдайы қоректендіріп отыратын жер беті мен жанартау өңеші, не лықсу құбыры арқылы байланысатын қойнаулар өңіріндегі магма шоғыры. Жанартау туфы. #геологиялық. Жанартау әрекетінің қатты заттардан тұратын өнімдерінен олардың бір-бірімен дәнекерлене жымдасуы нәтижесінде қалыптасатын барша таужыныстардың жалпылама атауы. Жанартау шынысы. #географиялық. Жанартау лавасының жер бетінде тез суып, кристалданбай қатаюынан пайда болатын тау жынысы.