Қазақ тілінің түсіндірмелік сөздігі: ЖІК

Сөз: Қазақ тілі Орыс тілі Ағылшын тілі Іздеу

|ЖІК #зат есім. 1. Екі нәрсенің айырылар жапсары, шегарасы. 2. #анатомиялық. <лат. sutura> Сүйектердің арасын байланыстырып тұрған сіңір. 3. Жақ, сала, топ. 4. #ауыспалы мағына. Идеялық, әлеуметтік топ, ағым, партия. 5. #ауыспалы мағына. Ара, аралық. Жігі ажырамас. Екі адамның арасындағы татулық, ынтымақтастық, жарастық мағынасында. Жігін айырды. Елдің бірлігін бұзды, топтопқа бөлді. Жігін ашты. Араларын алшақтатты, суысып кетті. Жігін бөлді. Арасын ашты, қоғамдағы орны мен саяси бағытқа сәйкес ажырап, топтасты, бірікті. Жігін жатқызу. Адамдар арақатынасындағы үлкенді-кішілі алалықты, кемшілікті білдірмей жасыру, татулыққа үндеу. Жігін тапты. Сүйектердің, жіліктердің бір-бірімен түйіскен жерін дөп тапты. Жігі сөгілді. Бүтіннің бөлініп, тұтастың ыдырауы, араның ашылуы, сызат түсуі. Жік жазбады. Бірбірінен жұбын жазбай бірге болды, айырылмады. Жікке бөлді. а) #зоологиялық. Құстар мен жануарларды, аңдарды тегі мен түріне қарай топтастыру. ә) Адамдарды алалап, нәсіліне, дініне қарай әртүрлі топтарға бөліп, арасына от тастау. б) Ажыратты, айырмасын білдірді, бөліп көрсетті. Жік қойды. Ажыратты, бөлді. Жік салды. Арақатынасын бұзды, араздастырды, бүлдірді. Жік түсті. Араздасты, жауласты. Жік шығарды. Жоқтан өзгені сылтауратып, себепсізден себепсіз дау туғызды, шу көтерді. Жік шықты. #мифологиялық. Жоқ жерден бәле шықты, іске сайтан араласты, жынперінің кесірі тиді.