Қазақ тілінің түсіндірмелік сөздігі: ЖІГІТ

Сөз: Қазақ тілі Орыс тілі Ағылшын тілі Іздеу

|ЖІГІТ 1#омоним #зат есім. 1. Ержеткен, кәмелетке толған ер-азамат. 2. Үйленгелі жүрген, қалыңдық тауып, құда жіберіп т.б. жөнжоралғысын жасауға кіріскен ер-азамат. 3. Қызға сөз айтып жүрген немесе қызбен жүріп жүрген жігіт. 4. көтермелеу. Риза болғанда, көңілі толғанда, қолпаштағанда, мадақтағанда жарайсың деген мағынада айтылатын сөз. Жігіт ағасы. а) Бозбала шақтан өткен, жиырма бестен асқан, есейген азамат. ә) Жұртқа ақылшы аға, ел басы дәрежесіне жеткен жігіт. б) Жігіт ағасы болды, есейді, кісі боп қалды, орта жасқа келді. Жігіт болды. а) Ержетті, азамат болды, ел қатарына қосылды, ат жалын тартып мінді. ә) Кәмелетке толып, үйленді, жеке отау тікті, аяқтанды. б) Ер жетіп, өмірге араласты, өз тағдырына өзі ие болды. Жігіт болмай жидіп қал [ қалсын ]. #қарғыс сөз. Бос, болбыр жігітке ренжігенде айтылады. Жігіт екенсің. э м оц. Азаматтың, кісінің көмегіне, жақсы қылығына риза болғанда айтылатын мадақ сөз. Жігіт кез. Адам өмірінің балалықтан кейінгі, қызық пен тамашаға толы, албырт шағы. Жігіт салты. #этнографиялық. Жiгіттік, бозбалалық салтын құру деген мағынада. Жігіт тымақ. #жергілікті сөз. Түлкі терісінен жасалған кішкене құлақшынды баскиім. Жігіттің басын кеміту. а) Жар таңдауда жолы болмаған, теңін таппаған жігіттің беделі түсіп, жігері жасуы, ел алдында төменшіктеуі. ә) Жігіттің өсіпөнбеуі, отбасының берекесіздігі. Жігіттің де жігіті бар. Жігіттің бәрі бірдей емес, таңдаулысы, бірегейі бар. Жігіттің қыраны. Сөзіне ісі сай, сегіз қырлы, бір сырлы мықты жігіт. Жігіттің пырағы. Ақылына күші сай, елден озған, қол бастаған батыр жігіт. Жігіттің сұлтаны [ сығайы ]. Жігіттің төресі, сегіз қырлы бір сырлысы. Жігіттің сырттаны. Ержүрек, қайсар, батыр, алғыр, ардақты жігіт. Жігіті бар. Сөз байласқан, жүріп жүрген, сүйген адамы бар (қыз туралы).
|ЖІГІТ 2#омоним #зат есім. а с тр. Мицар жұлдызының қазақша атауы.