Қазақ тілінің түсіндірмелік сөздігі: ДАУЫС

Сөз: Қазақ тілі Орыс тілі Ағылшын тілі Іздеу

|ДАУЫС #зат есім. 1. Адамның және өкпемен тыныс алатын жануарлардың дыбыстау мүшелерi арқылы шығаратын үнi, дыбысы. 2. #лингвистикалық. Көмей арқылы сыртқа шыққан ауа толқынының дірілінен пайда болып, естілетін дыбыс, үн. 3. #физикалық. Физикалық денелердің соқтығысуынан пайда болып, құлаққа естілетін дыбыс, үн. 4. #музыкалық. Ән айтқанда шығатын, дауыс желбезегінің ерекше дірілінің нәтижесінде пайда болатын үн, дыбыс күшi. 5. #музыкалық. Музыкалық пьесадағы екi немесе бірнеше адам қосылып айтатын көп дауыс, я екi дауыс. 6. Адамдардың сайлау кезінде немесе жиналыста белгілi бір ұсынысты шешуге қатысы (жақтауы, я қарсы, қалыс болуы). Дауыс ағыны. #лингвистикалық. Дыбыстың шығу қарқыны. Дауыс аппараты. Дауыс шығаруға, үн шығаруға қатысатын мүшелер. Дауыс ашу. Алғашқы әндi айту, бастау. Дауыс бердi. а) Дыбыстады, үн бердi, үн қатты. ә) #ресми. Сайлау кезінде халық ұсынған кандидатқа өз қатынасын білдірдi, сайлады. Дауыс еттi. Жоқтау айтты. Дауысқа елең еттi. Дауысқа құлағын тіктi. Дауысқа салды [ қойды ] #ресми. Белгілi бір мәселенi анықтау, ұсынысты қабылдау үшін қол көтердi немесе бюллетень арқылы жасырын дауыс бердi. Даусын көтерді. а) Қат тырақ дауыстады. ә) Зекіді, ұрысты. Дауыс қойды. Қаралы үйге дауыс шығарып жылап келдi, ат қойды. Дауыс қосты. Қолдады, қостады, құптады. Дауыс құқығы. #экономикалық. Компания капиталындағы өз үлестерін ескере отырып, компания қызметіндегi мәселелерi бойынша дауыс беру ге жай акцияларды ұстаушылардың қатысу құқығы. Дауыс құстай. #зат есім. #көнерген сөз. фольклор. Тоты құстай. Дауыс қылды. Дауыс шығарып, жоқтап жылады. Дауыс саңылауы. #анатомиялық. Көмекей қуысындағы екi қатпар аралығы. Дауыс салды. а) Дауыс қылды. ә) Қатты дауыстап жылады. Дауыс түтігi. #лингвистикалық. Дауыс шымылдығының аралығы. Дауыс шымылдығы. а) #анатомиялық. Үн шығаруда үлкен қызмет атқаратын, тамақтың iшкi жағына, жұтқыншақтың астына орналасқан мүше. ә) #лингвистикалық. Дыбыстардағы үннің қатысуын айқындайтын сөйлеу мүшесінің бірi. Дауыс ырғағы. а) #лингвистикалық. Дыбыстың тербеліс сазы. ә) Әуен, саз. Дауысы айшылық жерге жетедi. Зор дауысты деген мағынада айтылады. Дауысы жер [ көк, тау, түн ] жарды. Даусы ерекше қатты, шықты, дүрліктірді. Дауысы жетті. Даусы, үні естілді. Дауысы жойылды. #саяси. Сайлау құқынан айрылды. Дауысы қарлығу. Қатты айқай, не жылаудан дауыстың бұзылып шығуы, тамағы қарлығу. Дауысы құлақ жарды. Даусы қатты шықты. Дауысты тану. #информатикалық. <ағыл. vоісe reсоgnіtіоn> Сөз құрылымын ажырату мақсатымен компьютердің кіру тетігінде дыбыстауды талдау.