Қазақ тілінің түсіндірмелік сөздігі: АҚҚУ

|АҚҚУ 1#омоним #зат есім. 1. Ұзын мойынды, ақ қауырсынды, өте сымбатты құс. 2. #зоологиялық. <лат. cugnus> Үйрек тұқымдасына жататын, көбінесе қауырсыны шымқай ақ түстi болатын үйрек. 3. #этнографиялық. Байырғы түркi халықтарында тотемдік мәнi болған, дәстүрлi қа зақ қоғамында киелi саналатын құс. Аққу бөрік. #этнографиялық. Аққу терісінің тұтас сыдырылған түріндегi және аққу мамығынан тігілген бақсы мен дуананың айырықша белгісін көрсететін, әдетте бақсы – ойнайтын, дуана сәуегейлік жасайтын кезде киілетін баскиім түрi. Аққудың көгілдірi. Аққудың балапаны. Аққудың терісін басына кидi. #мифологиялық. Кей жағдайда бәлежаладан сақтайды деген байырғы кездегi нанымға байланысты ырымды білдіредi. Аққудың саңқылы. Аққудың даусы. Аққу құстай. бейне. Нәзік, сұлу, әсем. Аққу мойын. #поэтикалық. Кеудесi тік, сұңғақ мойын.
|АҚҚУ 2#омоним #зат есім. астрономиялық. <лат. cуgnus> Аспанның солтүстік жартышарындағы «Құс жолының» тұсынан байқалатын шоқжұлдыз.

© 2021. Wonder Words
Зияткерлік технологиялар институты