Қазақ тілінің түсіндірмелік сөздігі: АШУ

Сөз: Қазақ тілі Орыс тілі Ағылшын тілі Іздеу

|АШУ 1#омоним #зат есім. Ыза, реніш, кейіс; бұлқан-талқан күй. Ашу айтты. Ашуын сөзбен білдірдi, ашуланды. Ашу алқымына тығылды [ тірелдi ]. Ызаға, ашуға булықты, ызаланды, ашуланды. Ашу биледi. Ашуланды, ашуға берілдi. Ашу буды. Ашу қысты, ашу кернедi, ызаланды. Ашуға арандатты. Ашуландырды, ызаландырды. Ашуға басты. Ашуланды, ызаланды, долырды, ашу шақырды. Ашуға билеттi. Ашуға бой алдырды, сабырсыздық танытты. Ашуға [ ашудан ] булықты. Ашуланды, ыза болды. Ашуға міндi. а ) Ашу шақырды, ашуланды. ә ) Ыза болды, ызаланды. б ) #бейнелі сөзқолданыс. Су, жел, боран сияқты т.б. табиғат құбылыстарының күшеюi, үдеуi. Ашуға салды. Ашуға басты, ызаға булықты. Ашуға тығылды. Ашуға булықты. Ашудан айықты. Ашуы басылды, тарады. Ашудан жарылып кете жаздады. Ашуға булықты, қатты ашуланды, қаны қайнады. Ашуды ақылға жеңдірдi. Сабырлық еттi, өзін ұстады, ызасын басты. Ашу еттi [ қылды ]. Ашуланды, ашу шақырды. Ашу жайлады. Ішіне кек жиналып, намысы қайнады. Ашу келтірдi. Ызаландырды, ашуландырды. Ашу кердi. Ашу қысты, ашуы iшіне сыймады. Ашу кернедi. Қатты ашуланды, ашуы iшіне сыймады. Ашу қысты. Ашу буды, ызаланды. Ашумен алқындырды. Ашумен бағындырды, тықсыртты. Ашу селi. Көкіректі кернеген ашу-ыза. Ашу үстінде. Ашулы кезінде, ашуға булыққанда. Ашу шақырды. Ашуланды, ашуға міндi, ызаланды. Ашу шашты. #бейнелі сөзқолданыс. Ашуланды, адуындады. Ашуы [ су сепкендей ] басылды. Ашуланғанын қойды, тоқтатты. Ашуы бетіне шықты. Ашуланғанын жасыра алмады, түтігіп кеттi. Ашуы келдi. Ашуланды, ыза болды. Ашуы қайнады. Қатты ашуланды, зығырданы қайнады. Ашуы қатты. Адуынды, тез ашуланатын (кісi). Ашуы мұрнының [ тілінің ] ұшында. Ашуы тез келетін, «жарылып» кететін тыз етпе, күйіппіспе кісi туралы. Ашуын ақылы басты. Ақылға жеңдірдi, ақылға келдi, ашуын басты. Ашуын алды. Кегін алды, өшін қайтарды. Ашуынан қайтты. Ашуын қойды, ызасын басты. Ашуына тидi. Ызасын келтірдi, ашуландырды. Ашуын басты. Сабасына түстi, кәрін басты, сабырлы кейіпке ендi. Ашуын білдірдi. Өкпеназын, ренішін, ызасының себебін білдірдi. Ашуын қозғады. Ашуына тидi, шамдандырды, ашуландырды. Ашуын тілеп алды. Ашуын қойғызды, кәрін басқызды. Ашуыңды бас. Ашуыңды қой, ызалануды тоқтат деген мағынадағы басу сөз. Ашуыңды қи [ бер ]. Ашуыңды бас, қой деген мағынада. Ашуы тарқады [ тарады ]. Ашуы басылды, ашуланғанын қойды. Ашуы түстi. #жергілікті сөз. Ашуы келдi, ашуланды.
|АШУ деген #Аш етістігінің қимыл атауы. 1. Бiр нәрсенің бетін, тетігін, есіктi ашық қалыпқа келтіру. 2. #ауыспалы мағына. Қоғамдық мекеме, кәсіпорын т.б. iске қосу, құру. 3. #ауыспалы мағына. Жиналыс, конференция, митинг т.б. жиын, жиналысты бастау. 4. #ауыспалы мағына. Бiр нәрсенің мәнжайын анықтап беру, көрсету. Ашуын тапты. стиль. Кiлтін тапты, сырын білдi, тілін тапты. 2#омоним
|АШУ деген #Ашы етістігінің қимыл атауы; дызылдау, күйдіру. 3#омоним
|АШУ деген #Ашы етістігінің қимыл атауы. 1. Быжу, ашыған күйге келу. 2. #химиялық. Микроағзалар тіршілігi әрекеттерінде пайда болатын фермент әсерінен органикалық заттардың биохимиялық жолдармен өзгеріп, ыдырап, спирт, көмірқышқыл газы, метан, сутек т.б. заттарға айналуы. 4#омоним